УЕФА, вчера, му ја одзеде организацијата на ЕУРО 2020 на Билбао, а денеска истото го направи и со Даблин.

Билбао и Даблин беа меѓу 12. градови, кои УЕФА ги одбра да бидат домаќини на натпреварите на кои ќе се игра ЕУРО, кое требаше да се одржи минатата година. Првенството беше откажано поради пандемијата на коронавирусот.

Во меѓувреме, УЕФА, од организаторите, побара да потврдат, дека ова лето, ќе дозволат присуство на навивачи на натпреварите.

Билбао и Даблин не можеа да ги испочитуваат здравствените протоколи. Организацијата на натпреварите од Билбао ќе ја преземе Севилја, а се претпоставува дека натпреварите кои требаа да се играат во Даблин, ќе бидат префрлени во Лондон.

Оба значи дека ЕУРО ќе се игра во 11 градови, покрај Севилја и Лондон, тука се Амстердам, Баку, Букурешт, Будимпешта, Копемхаген, Рим, Глазгов, Санкт Петербург и Минхен.

Американската банка, Џеј-Пи Морган, едена од најмоќните финансиски институции во светот, се повлече од европската Суперлига.

„Очигледно е дека погрешно ја проценивме ситуацијата“, известиле од банкарскиот гигант, кој требаше да биде главниот финансиер на експресно пропадната Суперлига.

Њујорк тајмс, објави дека Џеј-Пи Морган, требаа да го финансираат проектот со 3,5 милиојарди евра. Секој од клубовите за влез во Суперлигата требало да добие по 350 милиони евра. Ова е четири пати поголема сума, од онаа што ја доби Баерн Минхен кога лани ја освои титулата во Лигата на шампионите.

Европската Суперлига, во неделата, ја формираа три шпански (Реал, Атлетико, Барселона), три италијански (Јувентус, Интер, Милан) и шест англиски клуба (Челси, Арсенал, Тотенхем, Манчестер јунајтед, Манчестер сити, Ливерпул).

Под притисок на навивачите, јавноста и некои Влади, најпрвин Суперлигата ја напуштија клубовите од Англија, а потоа истото го направија Милан, Атлетико и Интер.

Споменатите 12 клубови, заедно со уште три засега неименувани клуба, требаа да му се приклучат на проектот, со кој би управувале 15 клубови. Дополнителни пет клуба, според резултатите во националните првенства, би добиле покани да учествуваат во Суперлигата.

Кристијано Роналдо се наоѓал во искушение да се врати во својот поранешен клуб, Манчестер јунајтед, пишува „Газета дело Спорт“. Според овој извор, тој бил подготвен во Јунајтед да игра за помала плата од онаа што ја заработува во Јувентус.

Кристијано Роналдо, во Јувентус, годишно заработува 31 милиони евра, но во Манчестер јунајтед би играл и за 20 милиони евра. Ова значи дека тој би се откажал од 11 милиони евра, бидејќи со Јувентус има договор и за наредната сезона.

„Газета дело Спорт“, пишува, дека Португалецот не бил среќен во Јувентус. Не му се допаѓале многу работи што се случиле во клубот, во последните 12 месеци. Сакал да се врати во Јунајтед, бидејќи неодамно менаџерот Оле Гунар Солскјер изјавил дека би сакал Роналдо да се врати на „Олд Трафорд“.