Спорт
Де Роси го отвори срцето: Никој нема да ја сака Рома како мене
Даниеле де Роси напиша емотивно отворено писмо до навивачите пред неговиот последен меч во дресот на Рома порачувајќи дека „никој нема да те сака повеќе од мене“.
Неделниот меч против Парма на „Олимпико“ го одбележува крајот на кариерата која започна уште како дете, и според последните вести, може да биде негов последен меч како фудбалер. Тој никогаш не зажали што не потпиша за друг клуб и побара навивачите да не се лутат на претседателот Џејмс Палота, ниту на луѓето во клубот, кои несфатливо не му понудија нов договор.
„ – Зошто си насмеан, момче?
– Среќен сум!
– Зошто си среќен?
– Имам дрес на Рома.
– Нели е фалсификат?
– Не, само мојата тетка ми го соши бројот.
– Што ако ти кажам дека ќе го носиш над 600 пати.
– Јас би бил среќен само со еден меч.
Погледнувајќи ја оваа фотографија, сфаќам колку сум среќен, среќа која никогаш не ја сфаќав здраво-за-готово и среќа за која вечно ќе бидам благодарен. Патот беше долг, интензивен и секогаш придружен со љубов кон тимот. Дозволете се да се заблагодарам на Рома која ја познавам: семејството Сенси, претседателот Палота. Сите мажи и жени кои работат во Тригорија. Тренерите кои ме воделе, и од кои научив многу, без исклучок. Медицинскиот тим кој се грижеше за мене, моите соиграчи, кои се како семејство за мене. Благодарам и на Франческо (Тоти). Ја добив капитенската лента од мојот брат, од голем капитен и од најневеројатниот човек кој сум го видел во овој дрес. Ретко кој има шанса да игра 16 години покрај својот идол. Ја враќам капитенската лента со почит кон Алесандро. Најголемиот подарок кој можете да ми го дадете е да го ставите бесот на страна и да се обедините пред нашиот тим, пред тоа што доаѓа пред сè: Рома. Никој нема да те сака повеќе од мене. Ариведерчи“, се вели во писмото на Де Роси.
On the eve of his final game for #ASRoma, Daniele De Rossi’s heartfelt message to all those who have influenced his career…
— AS Roma English (@ASRomaEN) May 25, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.