Спорт
Дебакл на Финикс, Јута го декласира Сан Антонио, нов трипл-дабл на Вестбрук
Јута Џез се вратија на лидерската позиција во Западната конференција во НБА лигата. Изминатата ноќ Јута ги победи Сан Антонио 126:94, додека нивните главни конкуренти Финикс Санс беа убедливо поразени од Атланта Хокс 135:103. Ноќта во НБА лигата ја обележа Расел Вестбрук кој го забележа 179 трипл-дабл во кариерата.
Јута Џез, без Донован Мичел и Мајк Конли, лесно се спреави со Сан Антонио. До победата 126:94, Џезерите ги предводеа Џордан Кларксон со 30 и Бојан Богдановиќ со 24 поени. Кај Спарс најефикасен беше младиот Хрват, Лука Шаманиќ со 15 поени.
Финикс немаа никави шанси во дуелот со Атланта. Хокси славеа со 135:103. Клинт Капела забележа 18 поени и 10 скока, а тројца играчи (Богдан Богдановиќ, Тре Јанг и Данило Галинари) уфрлија по 16 поени.
Финикс сега имаат скор од 47 победи и 19 порази, една победа помалку од лидерот на Западот, Јута.
Милвоки Бакс со 135:134 ги поведија вашингтон Визардс. Петмина играчи на Милвоки постигнаа двоцифрен број на поени. Најефикасни беа Џру Холидеј со 29 и Јанис Адетокумбо со 23 поени, девет скока и осум асистенции.
Вашингтон го предводеа Бредли Бил со 42 поени и Расел Вестбрук со 29 поени, 12 скокови и 17 асистенции. Вестбрук со 33 трипл-дабл во сезоната, дојде до бројката од 179 во кариерата. Два натпревари со ваков учинок го делат од рекордерот Оскар Робертсон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.
Спорт
Ливерпул замената за Клоп ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.