Спорт
Дејвис: Овој тим на Лејкерси може да победи било кого
Откако генералниот менаџер на Лос Анџелес лејкерс, Роб Пелинка го нарече Ентони Дејвис „најдоминантниот млад кошаркар на светот“, тој врати со изјава за целосна доверба во тимот од кој ќе се очекува многу следната сезона.
„Искрено? Овој тим на Лејкерс би можел да победи било кого. Мислам дека во секоја серија од седум меча, ние би славеле“, изјави Дејвис во својата прва прес-конференција како играч на „езерџиите“ по трансферот од Њу Орлеанс пеликанс.
Дејвис вели дека шансата да се игра покрај Леброн Џејмс, кого го смета за пријател и со кого беше партнер во олимпискиот тим на САД (и со кого има ист агент – Рич Пол од „Клач спортс“), била толку примамлива што не можел да ја одбие.
„Беше тешко да се замине од Њу Орлеанс, град каде што играв седум години, но мислам дека времето дојде. Кога дознав дека има шанси да играм за Лејкерс, не се двоумев, посебно бидејќи тоа значеше да сум тимски колега со Леброн. Ова е тим за победи, но не само за победи, туку за титули и тоа е главната цел“, додава Дејвис.
“I’ll put our roster up against anybody.”
Anthony Davis is very confident in his new team’s roster. pic.twitter.com/Ai2BtdQTTS
— SportsCenter (@SportsCenter) July 13, 2019
Just a little bit of media attention for LeBron and Anthony Davis after the press conference ended. pic.twitter.com/TZKa9xi5Cf
— Matthew Moreno (@MMoreno1015) July 13, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.