Спорт
Дерби на сезоната: Спорни ситуации и победа на Ливерпул (Видео)
Ливерпул го победи Манчестер сити 3:1 (2:0) во дербито на сезоната како што го нарекоа англиските медиуми. Ливерпул сега се имаат девет бода повеќе од Сити кои по овој пораз паднаа на четвртото место на табелата. Пред „граѓаните“ се Лестер и Челси.
Лудо дерби на „Енфилд“ одиграа кандидатите за титулата во Премиер лигата, а Ливерпул го нокаутираа противникот на почетокот на мечот и во раната фаза од второто полувреме.
Ливерпул во последните 25 минути успеа да го издржи силниот притисок на противникот. Во овој период на мечот 80 отсто од поседот на топката го имаа „граѓаните“.
Мечот ќе има и трето полувреме поради двете дискутабилни одлуки на судијата Мајкл Оливер и ВАР. Впечатокот е дека Сити се оштетени за два пенали, во првото и второто полувреме топката в рака го погоди Александер-Арнолд.
Токму од првата таква ситуација, кога неколкумина играчи на Сити останаа да протестираат кај судијата Ливерпул повлекоа контра-напад, а топката која ја изби Стоунс ја дочека Фабињо и од 20 метри ја „скина“ мрежата.
Нов делириум на трибините имаше во 13 минута кога Робертсон испрати теле-диригирана топка кон Салах, а Египѓанецот со глава ја проследи во голот.
До крајот на полувремето Сити го диктираа ритамот, имаа и неколку добри акции но резултатот остана 2:0.
Второто полувреме донесе нов шок за „граѓаните“. Комплетната одбрана лошо реагираше Хендерсон испрати центаршут, Бокер заборави на Мане, а Сенегалецот само ја подметна главата за 3:0.
До крајот следуваше силен притисок на Манчестер сити, кој резултираше со само еден гол. Акцијата на Анхелињо добро ја следеше Бернардо Силва и со удар од 15 метри го совлада Алисон. ВеЌе во наредниот напад нов спорна ситуација, Стерлинг се обиде да нафрли, топката го погоди в рака Александер-Арнолд но Оливер не се огласи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.
Спорт
Ла Лига од следната година ќе се игра во САД
Претседателот на шпанската Ла Лига, Хавиер Тебас, даде неколку интересни коментари во интервју за „Експансион“. Тамошната јавност најмногу ја коментира изјавата во која тој отворено призна дека навива за Реал Мадрид. Овој факт е познат одамна, но сега за прв пат е и јавно потврден. Тебас го откри овој детал коментирајќи ја приказната за доаѓањето на Килијан Мбапе во Реал.
Сепак, претседателот на една од најдобрите светски лиги донесе и по малку шокантна вест за сите љубители на традиционалниот фудбал. Имено, од сезоната 2025/26, некои натпревари од Ла Лига ќе се играат во Соединетите Американски Држави.
Тоа значи дека веќе следната година би можеле да го видиме првиот натпревар од шпанското првенство на американска почва.
„САД е втор најголем пазар за нас, веднаш по Шпанија. Тоа ќе ја зајакне нашата позиција таму. Другите европски лиги веќе работат таму и немаме избор, во спротивно ќе не избришат“, рече Тебас.
Инаку, уште во 2018 година имаше предлог да се игра каталонското дерби меѓу Барселона и Џирона во САД, но УЕФА го блокираше тој потег.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.