НБА легендата Шекил О’Нил беше однесен со амбулантно возило откако во неговиот експлозивен прв меч во кечерската серија АЕВ Дајнамајт, беше фрлен во маса и на крајот мораа да му ги подвиткуваат колената за да го собере во амбулатнтното возило.

Легендата на Лос Анџелес лејкерс и Мајами хит, заедно со Џејд Кардил влегоа во рингот против Коди Роудс и Ред Велвет во Џексонвил, Флорида и иако неговиот тим замина со победа, 48-годишниот Шек доби силен удар додека стоеше на јажињата и потоа беше забележан како го поставуваат во амбулантно возило.

Пред мечот, тој беше оптимист.

„Не сум професионален кечер, но сум бил во мечеви претходно. Имам доста добри потези. Не сум акробат и нема да скокам од јажиња, но тука сум со моќната игра. Ќе ја покажам таа моќ“, изјави Шекил.

Please send our condolences to the tables #AEWDynamite pic.twitter.com/OFY9v94zWw

— All Elite Wrestling on TNT (@AEWonTNT) March 4, 2021

Cracking up at Shaq having to bend his knees so they could close the ambulance door pic.twitter.com/T7blaZWLVY

— CJ Fogler #BlackLivesMatter (@cjzero) March 4, 2021

Кошаркарот на Портланд Треилблејзерс, Демијан Лилард помина низ голема трагедија во последниот период затоа што остана без шест членови на семејството.

Во отворен разговор за „Atletik“ Лилард зборуваше за емотивниот губиток во изминатите 18 месеци.

Починала тетка му од рак, братму Брендон починал минатиот мај, а Демијан бил тој кој го пронашол. Останал без уште еден близок роднина во јануари. Двајца негови роднини се убиени, а уште еден починал минатата недела.

„Беше ова тешка година ипол за моето семејство. Луѓето не знаат за тоа. Стоев покрај мртвите тела на роднините. Луѓето не знаат каква траума е тоа. Се уште не можам да излезам на крај, се борам, но навистина е тешко. Кога го имате во предвид сето она низ што семејството поминува, се обидувате да си ставите во главата дека кошарката е најважната работа во тие моменти“ истакна Лилард.

Кошаркарот рече и дека се чувствува како да има 45 години со оглед на фактот што се видел во животот, а себе си не се смета за емотивна личност.

Светлото на крајот на тунелот се неговите деца. Во јануари добил близнаци, син и ќерка. Тие му се придружиле на две ипол годишниот Демијан Јуниор.

„Две нови личности дојдоа, а неколку си отидоа…“ рече кошаркарот.

Голем дел од европските фудбалски гиганти веќе започнаа со плановите за летни засилувања, па и лондонски Челси тргна во таа насока. „Сините“ се во потрага по нов голман.

Кепа Аризабалага беше прешкртан уште додека менаџер на тимот беше Френк Лампард. Го замени Едуард Менди кој дојде од француски Рен, но новиот стратег на „сините“ сака уште поголемо име меѓу стативите.

Управата на клубот се сложила со ставот на Германецот и одобрила доведување на младиот голман на Милан, Џанлуиџи Донарума.

Сите влијателни италијански медиуми денеска пишуваат за „монструозниот договор“ кој Челси го подготвил за првата „единица“ на „Росонерите“.

Милан прави се Донарума и во иднина да остане на „Сан Сиро“ за налето да не го загубат како слободен играч.

Информациите се дека Челси подготвува договор со 10.5 милиони фунти годишна плата за Италијанецот.

Во приказната за Донарума е вклучен и ПСЖ кој секако може да понуди голема сума за да го привлече на „Паркот на принцовите“.