Младо момче во Англија на интернет сподели интересна приказна поврзана со неговиот дедо и поранешниот репрезентативен голман на „Гордиот Албион“, Бен Фостер.

Споменатиот ден неговиот дедо Дементан кој е голем навивач на Вотфорд кој тогаш имал 80 години се враќал од натпреварот меѓу Вотфорд и Кристал Палас (минатата сезона, мечот заврши 0-0). Дементан членска карта на омилениот клуб имал цели 60 години.

По мечот, тој не можел да го запали својот автомобил, акумулаторот останал без струја. Тогаш старецот решил пеш да се врати дома, цели 16 километри.

Во меѓувреме фудбалерите на Вотфорд ги завршиле обврските на стадионот. Се стемнило, а Бен Фостер со сопругата и со неговиот татко поминале крај дедото кој пеш одел кон дома.

Забележале дека нешто не е во ред, па се вратиле. Тогаш го виделе како лежи покрај патот. Паднал, а тие најверојатно му го спасиле животот.

Според раскажувањето, го однеле во нивниот дом, го избањале и му облекле сува облека. Потоа го однеле во неговата куќа и го поканиле на 25 декември – за Божиќ.

На официјалниот Твитер профил Вотфорд се пофали со делото на својот голман.

Бен Фостер има 36 години, во Вотфорд е од летото 2018 година. Во кариерата бранеше и за Стоук, Манчестер Јунајтед, Бирмингем, Вест Бромвич.

Го носеше и дресот на Англија, во 8 наврати.

Левото крило на македонската ракометна репрезентација, Дејан Манасков ја продолжи верноста со екипата на унгарски Веспрем до 2022 година. Покрај Манасков, продолжување на соработката потпишаа и Гаспер Маргуч и Петар Ненадиќ.

Велешанецот во Веспрем е цели 2 години, а претходно искуството го собираше во Рајн Некар Левен, Вардар, Вецлар и во Металург.

Вчера унгарскиот клуб потпиша договор и со шпанскиот голман, Родриго Коралес кој ја игра последната сезона во францускиот шампион, ПСЖ.

Three contract extensions and a new player has been announced.
Read more about the press conference from today on the link below.#RedUnited https://t.co/CSDtbYwGk1 pic.twitter.com/TEJMdhkBUl

— VeszprémHandballTeam (@telekomveszprem) December 15, 2019

Одличен турнир одиграа ракометните репрезентативки на Русија во Јапонија, а награда за тоа е бронзениот медал. Во битката за третата позиција, предмалку Русинките славеа со 33-28 против Норвешка која се чини не успеа да ја „преболи“ полуфиналната елиминација од борбата за титулата од Шпанија.

Русија бронзата од Јапонија ја придодаде на златото од Олимпијадата во Рио и среброто од ЕП во Франција.
Избраничките на селекторот Амброш Мартин беа главни фаворитки за златото, но лошиот ден против Холандија (единствен пораз на турнирот) ги тргна од борба за титула.

Во денешниот меч Норвешка поведе со 3-0, Русија успеа да се консолидира и израмни на 7-7. Оттогаш комплетно ја преземаја иницијативата, па на полувреме отидоа со предност од +3 (18-15).

Одлична играа Русинките и во второто полувреме, а највисоката предност во нивна полза беше 23-17.

Најдобра на теренот беше Ана Вјахирева со 9 гола.

Мечот за златото меѓу Холандија и Шпанија започнува во 12.30 по средноевропско време.