Левиот бек и поранешен член на Челзи, Марк Кукуреља (27), потпиша за Реал Мадрид, што предизвика многу реакции со оглед на тоа што фудбалски растеше во школата на Барселона, познатата Ла Масија. Ваков трансфер е реткост во шпанскиот фудбал.

Реал Мадрид издвои 55 милиони евра за него. Според извештаите, по овој трансфер, Барселона повеќе не го смета Кукуреља за производ на нејзината младинска школа. Неговото име и детали наводно се избришани од евиденцијата на Ла Масија.

Поранешниот играч на Барселона, Џерар Пике, остро го критикуваше 27-годишниот дефанзивец.

„Тој помина низ Ла Масија, го носеше грбот на Барселона како дете, научи за вредностите на клубот и многу добро знае што значи Барселона за милиони фанови низ целиот свет“, рече Пике и продолжи: „Затоа ова боли уште повеќе. Играч кој доаѓа од Ла Масија многу подобро го разбира соперништвото. Ако пораснете во академијата на Барселона, а потоа го изберете Реал Мадрид, не можете да очекувате поддршка.“

Пике ја нагласи важноста на идентитетот на клубот: „Ла Масија е повеќе од училиште, тоа е идентитет. Можете да ја напуштите Барселона, но да потпишете за Реал Мадрид откако ќе пораснете во Ла Масија? За многу фанови, тоа е преминување на црвената линија. Луѓето можат да изберат што сакаат, но вистинскиот „Кулер“ не заборава од каде доаѓа“, заклучи тој.

Кукуреља не доби вистинска можност во првиот тим на Барселона, за која играше само седум минути. Играше како позајмен во Еибар и Хетафе, тој ја продолжи кариерата во Англија. Најпрвин Хетафе за 10 милиони евра го откупи неговиот договор од Барселона, а потоа за 20 милиони евра го продаде во Брајтон. Две години подоцна од Брајтон замина во Челзи, во трансфер вреден од 65 милиони евра.

Foto/ Depositphotos

Фудбалскиот сојуз на Тунис, му врачи отказ на селекторот на селекторот Сабри Ламуши. 54-годишникот е отпуштен поради тешкиот пораз од Шведска (5:1), во 1. коло од Светското првенство,

Одлуката да му биде врачен отказ на селекторот била донесена неколку часа по првиот меч на Мундијалот. На состанокот е решено, помошникот Вахби Хазри да го води тимот до крајот на Светското првенство, а Мондер Кебајер се споменува како нов селектор по Светското првенство.

Медиумите во Тунис ја опишуваат оваа одлука како преседан и очаен потег на националниот сојуз, кој е под огромен притисок од јавноста. Критиките кон Ламуши се засилија пред Светското првенство поради слабите настапи во подготвителните натпревари, но малкумина очекуваа дека тој ќе биде заменет по првото коло од групната фаза, без оглед на убедливиот поразот од Шведска.

Се очекува Фудбалскиот сојуз на Тунис дополнително да ги разјасни причините за толку брзата одлука во наредните денови. Се шпекулира дека постоеле нарушени односи меѓу Ламуши и дел од соблекувалната, како и дека некои искусни репрезентативци отворено го изразиле своето незадоволство од неговиот избор на тактика и персонал за натпреварот против Шведска. Ламуши беше назначен за селектор во јануари оваа година. Тој одигра пет натпревари како селектор и има една победа, едно реми и дури три порази.

До крајот на групната фаза на Светското првенство, Тунис ќе има дуели против Јапонија (21 јуни) и Холандија (26 јуни), но по поразот од Шведска со 5:1, тешко дека можат да направат изненадувања.

Сабри Ламуши не е првиот селектор кој е отпуштен среде Светското првенство. Тоа се случило и претходно.

Нигерија го смени селекторот Филип Трусие за време на првенството во Франција во 1998 година, а Саудиска Арабија го замени Насер Ал-Џохар по поразот од Германија во 2002 година со огромни 8:0.

Foto/ EPA

Милан постигна договор со Рубен Аморим, кој треба да ја преземе функцијата шеф на тренерскиот штаб на италијанскиот клуб, објавија португалските медиуми.

Според овие извори, португалскиот тренер се согласил на двегодишен договор, до летото 2028 година, со можност за продолжување за уште една сезона.

Откако го напушти Манчестер Јунајтед во јануари, Аморим (41) планираше да не преземе нов клуб оваа сезона, но понудата на Милан ги промени неговите планови. Португалскиот стручњак претходно истакна дека италијанскиот гигант е меѓу клубовите што отсекогаш сакал да ги води.

Аморим ќе заработува 3.500.000 евра нето по сезона во Милан, со дополнителни бонуси поврзани со освојување трофеи и пласман во Лигата на шампионите.

Милан не успеа да се квалификува во елитното европско натпреварување во претходните две сезони, бидејќи го освоија осмото место во Серија А во сезоната 2024/25, односно петтата позиција една година подоцна.

Се вели дека останува само конечно одобрение од сопственикот на клубот Џери Кардинале и компанијата „РедБирд“, по што Аморим треба да отпатува во Италија и да го потпише договорот.

Foto/ Depositphotos