Daily news
Драматично четврто коло во кошаркарската Суперлига
МЗТ остана единствентата екипа со максимален ефект во Суперлигата и по четвртото коло, кое донесе три интересни и незивесни натпревари.
Дербито помеѓу освојувачот на Купот, Карпош Соколи и актуелниот првак МЗТ, му припадна на бранителот на титулата. МЗТ како гостин славеше по едно продолжение 87:85.
Младеновски беше централна фигура на мечот, тој на 10 секунди до крајот не ги реалзира слободните фрлања, но во последниот напад на Карпош Соколи успеа да го блокира шутот на Пери.
Петмина играчи на МЗТ постигнаа двоцифрен број на поени, а најефикасни беа Симоновски и Клоф со по 16 кошеви. Кај домаќинот тројца играчи постигнаа 20 или повече поени, најефикасен беше Трајковски со 25, два помалку имаша Пери, а Лабовиќ посигна 20 поени.
Продолжение се играше и во Кавадарци на натпреварот помеѓу Фени индустри и Куманово. Домаќинот во последната четвртина надомести негатива од 12 поени, во регуларниот дел беше 83:83, а по продолжението славеше Фени 101:98.
Пантиќ со 27 и Николовски со 22 поени го предводеа Фени до победата, додека кај Куманово со ефикасноста се истакнаа Караџовски со 27 и Браун со 23 поени.
Работнички, минимално, но во 40 минути славеше против Кожув 68-67. Петмина играчи на Работнички постигнаа двоцифрен број на поени, но ниту еден не постигна повеќе од 13 кошеви, а истото важи и за Кожув.
Илиевски со 13 и Чековски со 12 поени беа најефикасни кај Работнички, а кај Кожув 13 поени постигна Мекнил, а 12 Штерјов. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
