МЗТ за пет минути го среди Работнички

МЗТ го победи Работнички 87:68 (18:14, 18:21, 27:15, 24:18) во 133-то вбечно дери, кое се одигра во рамките на третото коло во Суперлигата. МЗТ го задржа максималниот ефект, додека Работниочки по двете победи го доживеа првиот пораз.

Вечното дерби, кое се одигра пред полупразните трибини во СЦ „Јане Сандански“, донесе игра на граница на просечноста, со многу грешки, особено во првото полувреме, а победникот го реши поголемиот избор на кошаркари кои во тимот ги има МЗТ.

За илустрација играчите кои влегоа од клупата на МЗТ постигнаа 36, а оние на Работнички само пет поени.

МЗТ прашањето на победникот го реши во периодот од 28. до 32.минута, откако претходно ниту еден од тимовите немаше предност поголема од осум поени.

Во финишот на третата и почетокот на последната четвртина МЗТ направи серија 14:0 и од шест создаде предност од 20 поени (70:50).

Дреновац беше најефикасен кај МЗТ со 17 поени, Тејмс постигна 13, Клоф 12, а Лалиќ забележа 11 поени и 9 скокови.

Тасовски со 25 поени (6/11 за три), односно Мираковски со 17 и Мишановиќ со 14 поени и 9 скокови го предводеа Работнички. крај/мф/нц