Домашен
АБА лига: Карпош ја почувствува моќта на шампионот
Кошаркарите на Карпош Соколи претрпеа вистинска катастрофа 61:98 во пресметката со лидерот во АБА лигата Црвена звезда. Карпош со овој пораз стави крај на серијата од осум последовни победи на домашен терен.
„Соколите“ во минатото и во ова 23.коло, во АБА лигата, забележаа два убедливи порази. По поразот во Подгорица од Будуќност 61:95, скопскиот тим ја почувствува моќта на шампионот, кој настапи без Дангубиќ, Бјелица и Волтерс.
Почетокот на мечот му припадна на Карпош, по пет минути игра тимот на Драган Николиќ водеше 18:8, но Црвена звезда лесно направи пресврт. На полувреме „црвено белите“ водеа 37:49, благодарение на неверојатниот шут за два поени. Играчите на Црвена звезда погодија 22 од 24-те обиди за два поени во првото полувреме, а крајот имаа само седум промашувања за два поени (31/38).
Во вториот дел Црвена звезда дополнително ја засили играта во одбраната, од која само ја зголемуваше предноста, а до максималните 37 поени, стигна на 18 секунди до крајот со тројката на Гудуриќ.
Во лошото издание на Карпош Соколи преодна оценка заслужија само центрите Лабовиќ и Трајковски кои постигнаа 20, односно 18 поени.
Во редовите на Црвена звезда сите играчи постигнаа поени, седуммина имаа двоцифрен број на поени, а најефикасни беа Митровиќ со 15 и Кузмиќ со 14 поени.
По 23 одиграни натпревари Црвена звезда има учинок од 22 победи и еден пораз, додека Карпош Соколи останаа на девет победи, а го запишаа 14-от пораз. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.