Домашен
47-от ИКАС викендов ќе се одржува на Матка
Викендов во кањонот Матка по 47-ми пат ќе се одржи традиционалниот Илинденски кајак слалом-ИКАС. Годинава на една од најздравите спортски манифестации кај нас, која непрекинато се одржува од 1968 година, ќе учествуваат околу 150 натпреварувачи од 11 земји.
Генерален покровител на ИКАС е Агенцијата за млади и спорт (АМС) од чии буџет за оваа намена се издвоени 500.000 денари.
„Кајакот во Република Македонија ги има сите неопходни услови за врни дострели, за постигнување на врвни спортски резултати и за откривање на нови таленти и токму во таа насока овој спорт добива голема поддршка од државата и АМС. За нашите кајак репрезентативци за оваа година за учество на меѓународните натпреварувања и за обезбедување на норма за ЛОИ во Рио се обезбедени вкупно 700.000 денари од АМС“, рече директорот на АМС, Марјан Спасески.
Оваа година за прв пат Кајакарската федерација со поддршка на АМС и генерално покровителство на Светската кајакарска федерација организира младински камп за кајакари до 21 година. На кампот учествуваат 30 кајакари од седум европски земји, а во тренажниот процес се вклучени двајца македонски тренери, а главен координатор е Французинот Силван Леукс.
„Целта на кампот беше на него да бидат присутни помлади натпреварувачи со цел нашите кајакари кои се на оваа возраст, а кои треба веќе да започнат да учествуваат на големи натпреварувања да бидат во тек со она што се случува надвор од Европа. Следна цел на федерацијата е ИКАС да прерасне во Светска серија, ние сме во преговори со Светската кајакарска федерација ИКАС да стане натпревар кој ќе се бодува за светската ранг листа и Матка да стане центарот на овој дел од Европа во кајакрскиот спорт. Исто така на последниот конгрес на Европската кајак федерација ни беше ветено дека ќе добиеме и Европски куп во кајак на диви води но во дисциплината спуст“, рече спортскиот директор на ИКАС Атанас Николовски.
Натпреварите на Матка ќе започнат в сабота (10 часот) кога на програмата ќе бидат квалификациите. В недела од 10 до 12 часот ќе се возат полуфиналните трки, а финалните трки ќе започнат од 13 часот. Македонија ќе биде преставена со 20 натпреварувачи, за кои ова ќе биде последниот ‘филтер’ за место во репрезентацијата.
За сите оние кои се заинтересирани да ги проследат натпреварите на Матка во живо организиран е бесплатен превоз, автобусот на ЈСП со број 60 ќе тргнува во 9 и во 11 часот. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.