Домашен
Ангеловски го објави списокот за дуелите со Израел и Италија
– фото ffm.mk
Игор Ангеловски го соопшти списокот на играчи за квалификациските натпревари кои Македонија, во октомври, ќе ги одигра против Израел и Италија. Македонскиот селектор се определи за фудбалерите кои играа во Албанија, а во националниот тим ги повика голманот Богатинов, односно фудбалерите Трајчевски и Јаховиќ.
Игор Ангеловски го соопшти списокот на играчи за квалификациските натпревари кои Македонија, во октомври, ќе ги одигра против Израел и Италија. Македонскиот селектор се определи за фудбалерите кои играа во Албанија, а во националниот тим ги повика голманот Богатинов, односно фудбалерите Трајчевски и Јаховиќ.
Два натпревари Македонија ќе одигра во октомври, во рамките на квалификациите за пласман на Светското првенство. На 6-ти наредниот месец, во Скопје, најпрвин ќе гостува Израел, а три дена подоцна Италија.
Селекторот на Македонија, Игор Ангеловски, за овие две средби повика 19 фудбалери. Тој се орпедели за играчите кои играа на првиот меч од овие квалификации, во Албанија, а во тимот ги врати голманот Богатинов, односно фудбалерите Трајчевски и Јаховиќ.
„Повиканите фудбалери се речиси истите од воведниот квалификациски натпревар против Албанија. На голманската позиција повикан е Мартин Богатинов, голман со големо интернационално искуство и сигурно дека ќе придонесе за тимот. Ги повикавме Душко Трајчевски и Адис Јаховиќ за да имаме фудбалери од сите профили и да ја зголемиме конкуренцијата“, рече Ангеловски.
Првиот собир македонските фудбалери ќе го имаат в понеделник на 3.октомври.
Список на играчи за мечевите со Израел и Италија:
Голмани: Захов (Шкендија); Богатинов (Етникос Атна, Кипар)
Одбрана: Шиков (Нефчи, Азербејџан), Жута и Ристовски (Ријека, Хрватска), Ристески (Вашаш, Унгарија), Мојсов (АЕК Ларнака, Кипар)
Среден ред: Спировски (Вардар), Петровиќ (Осијек, Хрватска), Стјепановиќ (Сласк Вроцлав, Полска), Ѓорѓиев (Грасхоперс, Швајцарија), Хасани (Шкендија), Алијоски (Лугано, Швајцарија), Душко Трајчевски (Работнички)
Напад: Пандев (Џенова), Бесарт Ибраими (Шкендија), Тричковски (АЕК Ларнака, Кипар), Несторовски (Палермо, Италија), Јаховиќ (Гезтепеспор, Турција). крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.