Домашен
Червар: Целосна мобилизација за Баја Маре
Двата несреќни пораза, во Норвешка и Романија, целосно ја мобилизираат четата на Лино Червар во пресрет на натпреварот со Баја Маре. Металург ќе го пречека романскиот тим в недела, со надеж дека ќе се реваншира за поразот пред од пред пет дена.
Неискуството е причината што Металург нема уште некој бод повеќе на своето конто, на табелата во Д групата во Лигата на шампионите. Откако во Норвешка, буквално во последната секунда остана без бод, во неделата Металург со бројните технички грешки во нападот едноставно му ја подари победата на Баја Маре.
„Видете што е спортот, кога започнавме со натпреварите во Лигата на шампионите многумина рекоа дека бидеме среќни доколку освоиме некој бод, меѓутоа да не беа овие два несреќни пораза можевме да бидеме дури и на врвот во нашата група. Сепак, тоа е спортот. Во иднина можеме да очекуваме екипата да се крева и спушта, знаете дека од 16 ракометари 11 имаат 18, 19, 20 години. Тоа е големо неискуство, особено жалам за оној меч во Скјер, каде можевме да освоиме важен бод. Жалиме што не ги искористивме шансите, но јас лично не можам да бидам незадоволен, нема да го критикувам тимот кој покажа квалитет, играчите се бореа до крај. Јас и натаму ќе инсистирам моите играчи да бидат скромни, вредно да работат, мора да разберат дека постојано треба да се докажуваат“, рече на прес конференцијата пред неделниот меч тренерот на Металург, Лино Червар.
„Баја Маре според имињата има посилен тим од нас, иако Афлитулин не играше на првиот меч, но на неговата позиција одлично одигра Карачиќ. Главни играчи се екс унгарскиот репрезентативец Татари, потоа Иванчик, десниот бек Садовиц за кого мора да најдеме решение како да го запреме. Рамба на првиот меч ни создаде многу проблеми, а многу е опсен и поранешниот пикер на Веспрем, Виловски. Доколку сакаме да победиме, ќе мора ментално да бидеме подготвени за нив. Искуството е на страната на Баја Маре“, дополни Червар.
Кога станува збор за здравствениот билтен, неизвесен за дуелот со Романците е Мраковчиќ, тој не играше против Радовиш во средата, додека Божовиќ иако игра сé уште не е целосно рехабилитиран.
„Мораме да се бориме максимално, сметам дека одбраната ќе биде клучна, тука можеме да им парираме. Во нападот ќе мора да ги намалиме техничките грешки во нападот“, рече Червар.
Натпреварот Металург-Баја Маре се игра в недела во СЦ „Борис Трајковски“ со почеток во 17:30 часот./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.