Домашен
Данецот Расмусен го засили стручниот штаб на ЖРК Вардар
Селекторот на женската ракометна репрезентација на Полска, Данецот Ким Расмунсен, го засили стручниот штаб на ЖРК Вардар. Данскиот стратег веднаш ќе започне со работа и тоа како консултант на Индира Кастратовиќ, која и понатаму останува шеф на стручниот штаб.
„Од денеска започнуваме со подготвките за вториот дел од сезоната. Ким Расмусен е засилувањето во стручниот штаб и тој со работа ќе започне веднаш и тоа како тренер консултант, додека Индира Кастратовиќ останува прв тренер на ЖРК Вардар. Ние сме горди што Расмусен го засили нашиот стручен штаб, се надевм дека тој со своето знаење ќе и даде нов шарм на нашата игра, добро е познато какво влијание има Данска во светскиот ракомет“, истакна на прес конференцијата претседателката на ЖРК Вардар, Гордана Нацева.
Ким Расмусен е актуелен тренер на женската ракометна репрезентација на Полска, на неодамна завршеното Европско првенство тој со оваа репрезентација го освои 11-то место, додека пред две години на Светското првенство Полска заврши на четвртата позиција.
„Среќен сум што станав дел од овој тим. Со нетрпение чекам да започнам да работам со Индира. Сакам да го дадам својот придонес и да ја оствариме целта, овој клуб да се искачи на самиот врв. Последните две години го следам тимот на Вардар и овој состав ми е добро познат. Носам со себе некои нови идеи и се надевам дека заедно со Индира Кастратовиќ ќе успееме да ја подигнеме формата“, рече Расмусен, кој со ЖРК Вардар потпиша две ипол годишен договор, но и понатаму ќе остане селектор на Полска.
Расмусен исто така истакна дека нема да има проблеми скандинавското размислување за ракометната игра да го имплементира во екипа која во најголем дел е составена од ракометарки кои доаѓаат од просторите на поранешна Југославија и од Русија.
Добредојде на новиот колега му посака и Индира Кастратовиќ, која на прес конференцијата истакна дека се радува на соработката со данскиот стратег.
Ракометарките на Вардар ќе се подготвуваат во Скопје до 7.јануари, а ден подоцна ќе заминат на десетдневни подготовки во Унгарија. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.