Домашен
Џикиќ: Белгија е фаворит во групата
Македонската кошаркарска репрезентација, во вторникот, требаше но не ги започна подготвките за учеството во квалификацискиот циклус за пласман на Европското првенство.
Репрезентативците на овој начин уште еднаш го покажаа незадоволството од одлуката во наредната сезон, во домашното првенство, насместо четворица клубовите да можат да регистрираат по шестмина странски играчи.
Дали и кога ќе започнат со тренинзите ќе биде познато најдоцна до среда, откако Здружението на кошаркари на Македонија, ќе има нова рунда на преговори во федерацијата.
Ваквиот развој на настаните, на новиот селектор Александар Џикиќ, може да му го наруши планот и динамиката на подготвките.
„ Ова ќе го наруши ритамот на подготвките но не знам во колкава мерка. Ќе се собереме и ќе работиме, играчите знаат колкава одговорност имаат, репрезентацијата не е приватна сопственост, ниту на играчите, ниту моја, ниту на Федерацијата“, рече селекторот на кошаркарската репрезентација.
Македонија во квалификациите ќе настапи со драстично изменет состав, во однос на последното ЕП во Словенија. Перо Антиќ и Тодор Гечевски се простија од националниот тим, Владо Илиевски сеуште не се изјаснил околу својот статус, сигурно е дека во тимот ќе го нема и Лестер Бо Мекејлеб, додека Предраг Самарџиски и Ѓорѓи Чековски, паузата меѓу двете сезони ќе ја искористат за санирање на повредите.
Со изменет тим, како што потенцитра селекторот, Макеоднија во конкуренција на Белгија, Данска и Белорусија, нема да ја има фавортската улога во групата.
„Групата е непријатна, реално Македонија нема да настапи во состав на кој сте навикнати. Да сме комплетни ќе ја прифатевме фаворитската улога, сега тоа не можеме да го сториме. Значи Белгија е прв фаворит, Белорусија од многу причини може да биде незгоден противник, а Данска е на хартија најлесниот противник. Но сите тие натпревари треба да се добијат. Јас нема да имам никаков проблем со играчите кои ќе дојадат да работат, кои ќе се ’фрлаат на глава’ поради тоа што репрезентацијата е нешто посебно, многумина од нив тоа и претходно го имаат покажано“, рече Џикиќ.
Квалификациите Македонија ќе ги стартува на 10.август, на домашен терен против Белгија, потоа следуваат три гостувања, во Данска (13.август), Белорусија (17.август) и Белгија (20.август), а циклусто македонските репрезентативци ќе го заклучат со натпреварите на домашен терен против Данска (24.август) и Белорусија (27.август). крај/мф/нц
Извор: makfax
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.