Домашен
Дувњак и Канељас го растурија Металург
Ракометарите на Металург претрпеа дебакл во натпреварот од четвртото коло во Лигата на шампиони, губејќи од Кил со 27-42 (15-22). Металург го забележа четвртиот пораз во Ц групата, додека Кил има три победи и еден пораз.
Играчите на Металург на германскиот шампион му се спротивставија само во само во првите десет минути и резултат 4-6, а потоа нивната игра целосно се распадна. Лино Червар беше приниден да бара тајм аут по само 16 минути игра (8-12), но ниту неговите совети не го раздвижија тимот.
Кил продолжи да доминира ја зголеми предноста на осум голови, а на полувреме резултатот беше 15-22.
Дека Металург нема да може да ја избегне катастрофата Дувњак, Канељас, Вујин и останатите навестија во 34.минута кога за прв пат стигнаа до двоцифрена предност (15-25).
„Заслужено победивме одигравме добри и во одбраната и во нападот, постигнавме многу лесни голови, грешките ги сведовме на минимум и тоа беше доволно за триумф“, едногласни беа на прес конференцијата по натпреварот тренерот на Кил Алфред Густафсон и средниот бек Домагој Дувњак.
Дувњак со осум голови го предводеше тимот, по гол помалку постигнаа Канељас и Вујин.
Во тимот на Металург единствени кои заслужуваат преодна оценка се ветеранот Ванчо Димовски стрелец на шест голови и Павел Атман кој постигна пет гола, истото толку реализации имаше и повратникот во тимот Ренато Вугринец, кој го одигра првиот натпревар оваа сезона.
„Не е лесно да се каже но бевме апсолутно надиграни, Кил играше извонредно, тоа мора да го признаеме. Во некои моменти ни се обидовме да им се спротивставиме, но тие беа доминантни, одбраната не беше доволно агресивна, примавме премногу лесно голови. И покрај поразот јас сум со својот тим, жалам поради публиката што не пруживме поголем отпор“, рече Лино Червар.
Во Лигата на шампиони откако ќе се комплетира четвртото коло ќе следува пауза поради репрезентативните настапи на ракометарите, па металург следниот меч ќе го одигра против Ла Риоха на 16.октомври. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.