Домашен
Европскиот првак разбиен од вардаровата одбрана
ЖРК Вардар со предност од шест гола ќе патува во Ѓер на четвртфиналниот реванш во Лигата на шампионките, откако во саботата, во првиот натпревар славеше над европскиот првак со 24:18 (14:10).
Вардарки против Ѓер без сомнение го одиграа најдобриот меч оваа сезона, а особено импресивно делуваа во одбраната, каде на европскиот првак му дозволија да постигне 10 голови во првото и осум во второто полувреме.
Носени од фантастична публика ‘црвено-црните’ ракометарки наметнаа силно темпо уште од првата минута, отворија со 3:0 и 5:1, а единствениот лош период во играта го имаа во периодот од 10.до 14.минута кога противничките од 6:2, стигнаа до 6:6.
Но по тај аутот на Индира Кастратовиќ следуваше молскавичен противудар на Врдар, серија од 5:1, за нова комотна предност од 11:7.
Од тој момент натпреварот се одвиваше онака како што имаше испланирано Кастратовиќ и нејзиниот консултатнт прославениот дански стратег Јан Питлик.
На полувреме вардаровите ракометрки имаа предност од 14:10, која во раната фаза на второто полувреме ја зголемија на 15:10 и 16:11. се што направија гостинките во продолжение на мечот беше намалување на предноста на Вардар на три гола (18:15).
Вистинска еуфорија во салата предизвика голот на Радичевиќ со кој ‘црвено-црните’ на десет минути до крајот прв пат направија предност од шест гола (21:15).
До крајот Вардар успеа да ја одржи предноста од шест гола и да му го нанесе третиот пораз на Ѓер во оваа сезона, во Лигата на шампионките.
По завршувањето на мечот сите актери беа согласни дека одбраната на Вардар го решила победникот, но она што не успеа да го задржи одбраната го задржаа голманките, Суслина имаше 14 одбрани, а Лејно во второто полувреме кога Ѓер сериозно се закани одбрани три седмерци.
Вардарки на овој меч имаа шест ракометарки кои се запишаа во листата на стрелците: Радичевиќ постигна седум, Пенезиќ пет, Лекиќ четири, Дембеле и Лазовиќ по три, а Алтхаус два гола.
Реваншот по кој ќе биде познат патникот на завршниот турнир во Лигата на шампионките ќе се одигра во Ѓер на 11.април. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.