Домашен
Футсал: Железарец прв фаворит во Ф групата
– Иван Божовиќ (Железарец)
Македонскиот футсал шампион Железарец, од четврток до сабота, ќе биде домаќин на претквалификацискиот турнир Футсал купот, односно футсал Лигата на шампиони. Противници на Железарец ќе му бидат шампионите на Естонија и на Израел, Аугур односно Бен Гурион.
Македонскиот футсал шампион Железарец, од четврток до сабота, ќе биде домаќин на претквалификацискиот турнир Футсал купот, односно футсал Лигата на шампиони. Противници на Железарец ќе му бидат шампионите на Естонија и на Израел, Аугур односно Бен Гурион.
Железарец е фаворит за обезбедување на првото место во Групата Ф, кое носи пласман во наредната рунда, односно на турнирот во Братислава каде покрај домаќинот Словоматик ќе учествува и холадскиот Ајндховен, односно победникот од претквалификацискиот турнир во Групата Д на кој учествуваат Лункс (Гибралтар), Сантос Петрт (Шкотска), Сиеви (Финска) и Гроруд (Норвешка).
„Ја прифаќаме улогата на фаворит, што е сосема логично во оваа ситуација. Факт е дека Железарец е подобар тим од прваците на Естонија и на Израел, така што не бегаме од одговорноста. Ние само треба на еден полесен начин да обезбедиме две победи и да се пласираме во наредната рунда. Во подготвителниот период добро работевме, одигравме и неколку натпревари кои нѝ покажаа каде во моментов се наоѓаме. Задоволен сум од некои сегменти во играта, но имаме и одредени проблеми кои веќе подолг период се присутни и ќе се обидеме во наредните денови да го исправиме тоа. Мега изненадување ќе биде доколку не се пласираме во наредната рунда“, рече на прес-конференцијата тренерот на македонскиот футсал првак, Иван Божовиќ.
Тренерот на Железарец информира дека здравствениот билтен е добар, дека сите играчи се подготвени за настап. Вели дека пред почетокот на турнирот постои позитивна трема кај играчите и дека сите се насочени само кон претстојните два натпревара, дека за наредниот турнир во Братислава никој не размислува.
„Ние мора да одиме чекор по чекор, никој досега во клубот не ја споменува Словачка. Сите наши напори се насочени кон овој турнир, односно кон Аугур и Бен Гурион, екипи кои се составени во најголем дел од репрезентативци на своите држави. Но реално е дека тие екипи се иднивидуално, тактички и технички под нашето ниво. Играчите мора да знаат дека на сите гледачи кои ќе дојдат на нашите натпревари ќе мора да им пружат моменти на задоволство“, рече Божовиќ кој дополни дека Бен Гурион ќе биде многу посериозен ривал од естонскиот шампион.
„Тоа е екипа која со години игра заедно. Костурот на тимот од шест-седум играчи е секогаш истиот и само се придодава по некој играч. Тренерот е воедно и селектор на футсал репрезентацијата на Израел веќе десет години. Аугор првпат учествува во Лигата на шампионите, тие првпат ја освоија титулата во Естонија. Од тој тим знам многу малку играчи, само тројца или четворица“, додаде.
Натпреварите во Групата Ф ќе се играат во СРЦ Кале, в четврток Железарец ќе игра против Аугур, во петок на програмата е мечот Аугур-Бен Гурион, а турнирот ќе заврши во сабота со дуелот меѓу Железарец и Бен Гурион.
Сите натпревари ќе се играат со почеток во 20 часот, влезот за гледачите е бесплатен, а исто така од сите натпревари ќе има стрим во живо на интернет страницата на Железарец./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.