Домашен
Гонзалес и Штербик: ПИК Сегед е сериозен противник
Унгарски ПИК Сегед е екипата против која ракометарите на Вардар ќе ја отворат овосезонската кампања во Лигата на шампионите на домашен терен. Во мечот од втората рунда двата тима влегуваат по победите во воведното коло, Вардар во Монпелје, а ПИК Сегед против Киелце.
„ПИК Сегед е добар противник, тоа го покажа и против Киелце. Ние максимално се подготвуваме за овој меч, се подготвуваме да одиграме добро против нивната 5-1 и 6-0 одбрана. Мора да одиграме подобро отколку во Монпелје, таму не игравме добро во текот на сите 60 минути, тука мора да го сториме тоа“, рече на прес-конференцијата по повод натпреварот со ПИК Сегед, тренерот на Вардар, Раул Гонзалес, кој дополни дека во ростерот има проблеми со повредите на двајцата средни бекови Игор Карачиќ и Лука Циндриќ.
„Лука (Циндриќ) имаше дисторзија на скочниот зглоб, денес се чувствува добро, ќе почекаме да видиме како ќе се рехабилитира, но мислам дека ќе може да игра. Карачиќ има проблеми со рамото, понекогаш се чувствува добро, понекогаш не, но сигурен сум дека тој ќе игра“, рече стратегот на Вардар.
Тренерот Гонзалес и голманот Штербик се согласни во мислењето дека противникот нема некои големи ѕвезди и поради тоа тимскиот дух е она што го краси унгарскиот тим.
„Очекувам тежок натпревар поради тоа, бидејќи Сегед е сериозен противник. Можеби името не е актарктивно како Барселона, или Париз, но во последните две години тие го имаат подигнато нивото на играта и резултатски се добри. Тие се едни од подобрите во Европа, минатата сезона го елиминираа Рајн Некар, потоа играа со Кил и испаднаа. Една година претходно не играа во ЛШ, но го освија Купот на ЕХФ. Мислам дека со секоја екипа можат рамноправно да се носат. Лично повеќе се плашам од овој натпревар отколку од дуелите со Барса, бидејќи се размислува дека тоа е ПИК Сегед некако ќе ги добиеме. Би сакал во овој меч да влеземе максимално сериозно, доколку не го направиме тоа тешко ќе стигнеме до победата“, рече голманот на Вардар, Арпад Шетрбик.
Дуелот меѓу Вардар и ПИК Сегед ќе се одигра во недела (17.30 ч) во СЦ „Јане Сандански“.
Покрај овој натпревар во Б групата ќе се одиграат и натпреварите Барселона – Кристијанштад, Киелце – Монпелје (сабота, 26. септември) и Колдонг Копенхаген – Рајн Некар (недела, 27. септември)./крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.