Домашен
Ибраими: Заховиќ ја навреди мојата мајка, верата, мојот народ
– фото rtvslo.si
Фудбалерот на Марибор и македонската репрезентација, Агим Ибраими, проговори за несогласувањата со спортскиот директор, Златко Заховиќ, поради што во петокот вечерта беше суспендиран од страна на клубот.
Фудбалерот на Марибор и македонската репрезентација, Агим Ибраими, проговори за несогласувањата со спортскиот директор, Златко Заховиќ, поради што во петокот вечерта беше суспендиран од страна на клубот.
Најава за бурниот викенд, кога станува збор за Ираими, биле настаните во петокот, кога на тренингот се појавиле дел од навивачите на клубот. Тие, биле разочарани од резултатите кои ги постигнува клубот и поставиле ултиматум дека до крајот на сезоната Марибор мора да ги освои сите 24 бода.
Според Ибраими, целата ситуација била многу напната, а дури и играчот Амир Дервишевиќ добил шлаканица.
Откако сѐ завршило, Ибраими бил разочаран од однесувањето на спортскиот директор на клубот, Златко Заховиќ, бидејќи очекувал дека тој ќе ги заштити фудбалерите.
„Сметам дека со насилство не можат да се решаваат проблеми. Тоа со убави зборови му го кажав и на Заховиќ“, рекол Ибраими за словенечките медиуми.
Односот помеѓу него и спортскиот директор „пукнал“ вечерта во петокот, кога тимот заминал во карантин.
„Тој ги загуби нервите, бидејќи за разлика од другите играчи јас му се спротивставив. Му кажав дека не треба да навредува, дека не треба да ја споменува мојата мајка со која сум многу поврзан. Сепак и покрај навредите бев подготвен да го „проголтам“ сето тоа. Знам дека на тој начин ќе ги покажев вредностите, но бев подготвен на тоа“, рекол македонскиот репрезентативец, кој потоа го напуштил карантинот.
Но случајот тука не завршува, туку како што пренесува „vecer.si“, Заховиќ продолжил со навредите кон Ибраими.
„Навредите продолжија. Тој го навредуваше моето минато, повторно ја навреди мојата мајка, го навреди мојот народ и мојата вера. Тоа се работи преку кои не можам да преминам“, рекол Ибраими.
Агим Ибраими дресот на Марибор го носи од 2011 година, оваа сезона тој има постигнато десет голови, а неговиот тим се наоѓа на второто место на табелата со два бода помалку од лидерот Олимпија. крај/мф/нц
Извор: vecer.si
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.