Домашен
Имобиле ја спаси Италија, Македонија не заслужи пораз -видео
– фото mediaset.it
Македонската фудбалска репрезентација загуби од Италија 2-3 (0-1), во третото коло, во Г групата, во квалификациите за Светското првенство. Македонија одигра одличен меч, против фаворитот имаше водство 2-1, но во периодот од 74-та до 91-та минута Имобиле успеа да го спаси четирикратниот светски првак.
Македонската фудбалска репрезентација загуби од Италија 2-3 (0-1), во третото коло, во Г групата, во квалификациите за Светското првенство. Македонија одигра одличен меч, против фаворитот имаше водство 2-1, но во периодот од 74-та до 91-та минута Имобиле успеа да го спаси четирикратниот светски првак.
Двете селекции започнаа во 3-5-2 формација, Македонија со една измена во составот од оној против Израел, Спировски го зазеде местото на Петровиќ. Кај Италија селекторот Вентура на клупата ги остави Пароло и Де Роси, а во врвот на нападот започнаа Белоти и Имобиле.
Македонија прва се закани, во втората минута Пандев по двојното проигрување со Несторовски влезе во шеснаесетникот но Буфон беше побрз и не му дозволи на македонскиот капитен да упати удар.
Потоа Италија ја презеде контролата врз топката, но без конкретна закана голот на Богатинов. Македонија добро делуваше во дефанзивата заворајќи ги сите приоди кон сопствениот гол.
Првата голема шанса на натпреварот, во 17-та минута, ја имаше Несторовски, кој уште еднаш потврди дека игра во голема форма. Напаѓачот на Палермо од свртување со полуволеј од 23-24 метри упати страотен удар, Буфон беше совладан, но топката наместо во голот заврши во гредата.
Веднаш потоа Италија се закани преку Имобиле, но неговиот удар повеќе наликуваше на додавање, а Богатинов лесно се справи со тој обид.
Шест минути подоцна првата вистинска акција на Италијаните, Кандрева нафрли на подалечната статива, а ударот на Имобиле Богатинов го исфрли во корнер. Кандрева го изведе корнерот, нафрли во срцето на шеснаесетникот, каде Белоти меѓу четворица дефанзивци на Македонија стигна до неа и од седум-осум метри ја закова топката во голот.
По постигнатиот гол Италија уште повеќе ја „спушти топката“, трпеливо градејќи ги нападите, но без конкретен резултат.
Македонија изведе опасен контранапад во 42-та минута, Алиоски нафрли пред голот на Италија, а ударот на Несторвски заврши во добро поставениот Буфон.
Во следната минута Кандрева го измеша Жута а нафрлената топка малку ја допре Богатинов доволно да го измами Бонавентура чии обид заврши во гол аут.
Вториот дел започна со измена во македонската репрезентација, Ибраими го замени Жута и со конкретна закана на избраниците на селекторот Ангеловски.
Мојсов упати опасен удар кој кој заврши крај голот на Буфон.
Израмнувањето дојде во 57-та минута, Несторовски повлече према напред откако не доби поддршка реши сам да звршува, се ослободи од Ромањоли и од 16 метри пласираше во левиот агол.
Две минути подоцна Хасани го комплетираше „блиц кригот“ на македонската репрезентација. Контранападот во кој учествуваа Несторовски и Пандев, со гол го заврши Хасани, кој погоди на истото место како и Несторовски претходно.
По стеченото водство македонските репрезентативци се растрчаа по теренот, ошо биеше со целосно ја контролираа играта, а Мојсов во 72-та минута имаше „мртва шанса“, но лошо биеше со глава и Буфон одбрани.
Италија израмни во 74-та минута, Имобиле, Пароло и Кандрева ја изиграа одбраната на Македонија, а напаѓачот на Лацио израмни на 2-2.
Италија во 83-та минута имаше две добри шанси, обидот на Кандрева Богатинов го исфрли во корнер, а по корнерот Пароло со глава биеше во добро поставениот голман на Македонија.
Италија до победата дојде со голот на Имобиле, кој дојде како резултат на лошата поставеност во одбраната на Македонија. Сансоне нафрли од левата страна, Кандрева осамен ја прими топката, ја префрли на подалечната статива каде напаѓачот на Лацио лесно го совлада Богатинов.
Голот на Имобиле предизвика ерупција од воодушевување на италијанската клупа, како азурите ја освоиле европска титула. крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.