Домашен
Кошаркарскиот Суперкуп загревање за новата сезона
Новата кошаркарска сезона во Македонија официјално ќе започне в четврток, кога ќе се одиграат двете полуфинални средби во Суперкупот. Покрај бранителот на титулата МЗТ, во Суперкупот уште ќе учествуваат Фени индустри, Куманово и Карпош Соколи.
Сезоната во мак кошарката ќе ја отворат МЗТ и Фени индустри, во првото полуфинале во рамките на Суперкупот, додека во вториот меч силите ќе ги одмерат Карпош Соколи и Куманово.
Тренерите на тимовите учесници, на прес конференцијата одржана во пресрет на овие натпревари, се согласија дека Суперкупот е добра можност за подигнување на формата и согледување на она што го сработиле со нивните кошаркари од почетокот на подготовките.
„За нас ова е еден дел од подготовките, кои полека ни влегуваат во завршна фаза. Дури вчера го одработивме првиот тренинг на кој ни се приклучија Клоп и Томас. Ни треба време да се воиграме, ни требаат натпревари, така што ќе ги искористиме овие мечеви од Суперкупот и од турнирот во Кавадарци кои што ни следува. Добри мечеви за да ја дотераме формата за натпреваирте во АБА лигата и Еврокупот“, рече Емил Рајковиќ, тренерот на МЗТ Скопје Аеродром.
МЗТ го брани трофејот, а противник во полуфиналето ќе му биде Фени индустри екипа која на 10.август ги започна подготвките, а во комплетен состав работи од понеделникот кога на тимот му се приклучи репрезентативецот Кирил Николовски.
„Имавме време да ја воиграме екипата, со доаѓањето на Николовски тимот е комплетен. Влегуваме во една натпреварувачка фаза, во којашто сме доволно подготвени за Суперкупот, остануваат само уште некои мали детали кои треба да ги исправиме“, рече Љупчо Малинков тренерот на Фени индустри, екипа која сезонава ќе настапува и во БИБЛ лигата.
Втората полуфинална двојка ја формираа Куманово и Карпош Соколи, тимови кои ќе играат и во меѓународна конкуренција, Куманово во БИБЛ лигата, а Карпош Соколи ќе дебитира во АБА лигата.
„Ние од некои други причини сме на почеток на подготвките и сме во фаза на формирање на тимот. Во понеделникот го имавме првиот вистински кошаркарски тренинг. Значи за разлика од другите доста доцниме со подготовките. Овој меч со Карпош Соколи ќе ни биде прв во сезоната. На овој меч ќе биде добра можност да ги видам новите засилувања на дело, односно колку тие ќе можат да ни помогнат во домашната лига и во БИБЛ“, рече предводникот на Куманово, Марјан Србиновски.
„И ние како и Куманово доцниме со подготовките. Доцна дознавме дека ќе играме и АБА лига. Ние започнавме да формираме тим кој ќе се бори за врвот во македонската лига, поради тоа имавме и некои проблеми. Потоа започнавме да бараме играчи за во Јадранската лига, каде цел ќе ни биде да избориме опстанок. Пред десетина дена во тимот пристигнаа двајца Американци. Во однос на минатата сезона тимот е видно изменет. Суперкупот го перципираме како загревање за новата сезона и можност да видиме што сме сработиле во подготвителниот период“, рече тренерот на Карпош Соколи Синиша Матиќ.
Суперкупот го отвораат МЗТ и Фени индустри, в четврток во 18 часот, а од 20:30 часот играат Куманово и Карпош Соколи. Финалниот меч ќе се одигра в петок од 20:30 часот. крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.
Нема да има работни саботи за учениците, МОН донесе нова одлука
Министерството за образование и наука информира дека наставата од деновите на гласање, 24 април и 8 мај, како и од...
Со супервештачење ќе се бара вина кај лекарите за родилката од Дебар, која, по породувањето, се врати дома без јајчник, матка и бубрег
Судот нареди да се направи супервештачење за родилката од Дебар, Јалдз Веапоска, на која по породување во струшката болница ѝ...
ССМ повика на првомајски протест: Бараме враќање на трошоците за храна и превоз и минимална плата од 450 евра во првите 100 дена од новата влада
Сојузот на синдикатите на Македонија (ССМ) повика на првомајски протест за враќање на трошоците за храна и превоз и зголемување...
Инспекторатот ќе контролира дали работодавците ја почитуваат владината одлука за неработен ден
Државниот пазарен инспекторат им укажува на сите работодавци дека во согласност со заклучокот на техничката Влада деновите на изборите –...
ДИК објави упатство за гласање на претседателските избори
Пред утрешното гласање на првиот круг од претседателските избори, Државната изборна комисија (ДИК) на својата официјална веб-страница објави повеќејазично упатство...
Беќаровски навести дека си оди од Токсикологија: Дон Кихот, конечно, го напушта оклопот
Доктор Нико Беќаровски навести дека ќе си замине од Клиниката за токсикологија. Во статус на социјалните мрежи Беќаровски порача дека...
Русија со предупредување до Европа: Ако ни го земете имотот, одговорот ќе боли
Сојузникот на претседателот Владимир Путин во вторникот ја предупреди Европа дека Русија веќе го напишала законот за да се одмазди...
Странски новинари, преведувачи: вкупно 942 набљудувачи ќе ги следат претседателските избори
Вкупно 942 набљудувачи, странски новинари и преведувачи се акредитирани за следење на претседателските избори на 24 април. Како што е...
Иранскиот министер за надворешни работи: Санкциите на ЕУ против Иран се за жалење
Санкциите на Европската Унија, за кои минатата недела беше постигнат начелен договор што треба да му бидат наметнати на Техеран...
Предизборен молк пред утрешните претседателски избори, денеска гласа дијаспората, болните и затворениците
Почна предизборниот молк пред утрешните претседателски избори. Молкот завршува на 24 април во 19 часот кога се затвораат избирачките места....
Украинските власти: Седум лица повредени во напад со руски дрон во Одеса
Седум лица се повредени, меѓу кои две деца, во напад на руски дрон врз украинското пристаниште Одеса, соопштија украинските власти....
Приватните спцецијализнати протестираа со куфери: „ Над 70 отсто од студентите по медицина активно учат германски“
Со куфери приватните специјализанти протестираа и денес пред Министерството за здравство. Претседателката на Здружението на лекари специјализанти, доктор Александра Георгиева,...
Лекарите од токсикологија: Стигнавме до 8 админитративци и 3 секретари, а не сакаат да вработат биолози и болничар
Нико Беќаровски заедно со уште пет докторки од Стручниот колегиум на Клиниката за токсикологија јавно ја прозваа економската директорка на...
Демири нема забелешки за работата на директорката на Токсикологија, Иљази, ќе го разреши медицинскиот директор Петровски
Министерот за здравство Илир Демири најави разрешување на медицинскиот директор на Клиниката за токсикологија, но не и за економската директорка....
Лични документи може да се подигнат и в среда
Во пресрет на претстојните претседателски избори, што ќе се одржат в среда на 24 април 2024 година, Министерството за внатрешни...
Шаќири подготвен да го повлече дописот за одработување на деновите за изборите во училиштата ако се најде друго решение
Министерот за образование, Јетон Шаќири, е подготвен да го повлече дописот што минатата недела го испрати до основните училишта за...
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за...
Вечерва ќе сопрат кампањите за избор на претседател, молкот почнува на полноќ
Со денешниот ден завршува изборната кампања за првиот круг од претседателските избори 2024 година, односно од полноќ почнува изборниот молк...
„Ахмети, кревај рачна кочница на време, Мицкоски не е сам“, му порача Ангелов на лидерот на ДУИ
Директорот на Центарот за управување со кризи, лидер на Достоинство и дел од коалицијата на ВМРО-ДПМНЕ, Стојанче Ангелов денеска преку...
Европскиот фронт: Мицкоски на тешкo дереџе, спасот го бара кај Левицата
„Мицкоски и ВМРО никако да да ја сокријат нервозата и паниката од ДУИ и од Европскиот фронт. На кое дереџе...
