Контакт

Домашен

Кошаркарските репрезентативци се собраа, но не тренираа

Објавено пред

Кошаркарските репрезентативци на Македонија се јавија на првата прозивка на новиот селектор Александар Џикиќ, но откако дадоа изјави за медиумите, си заминаа од Спортскиот центар „Борис Трајковски“, каде што во вторникот започнаа подготвките на националниот тим за квалификацискиот циклус за Европското првенство во 2015 година.

Во понеделникот, Здружението на кошаркари на Македонија (ЗКМ), со писмо ја информираше јавноста дека играчите нема да се појават на првата прозивка на селекторот, незадовли од одлуката на клубовите, од следната сезона во домашното првенство во секој клуб да можат да настапуваат по шестмина странски кошаркари.

 

„Додека траеше првенството во Македонија, неколкупати повикувавме на јавна дебата од страна на клубовите, повикувавме на соработка, побаравме разбирање од луѓето одговорни за кошарката, па и од оние кои ја потегнаа иницијативата, но не немаше разбирање. Никаков ефект не постигнавме, поради тоа наше размислување беше во моментот кога се собира репрезентацијата, уште еднаш, за последен пат, да се обидеме да направиме, да не кажам притисок, туку да се обидеме да кажеме јавно што мислиме ние за правилото.

 

Во понеделникот беа направени неколку состаноци во Федерацијата, на коишто дојде до забуна дека ние играчите сакаме да штрајкуваме и да бојкотираме. Никој не сака да ја бојкотира репрезентацијата, особено во овој период кога доаѓа време кога треба да се докажеме и да играме за репрезентацијата, но нашето мислење е дека доколку правилото не се смени сега, никогаш нема да се смени.

 

Тука сме сите, сложни сме и ќе се обидеме со помош на Федерацијата да го решиме ова прашање.

 

За тоа ќе разговараме во текот на деното со Федерацијата со селекторот, на кого му благодариме за поддршката. Повеќе не можам да кажам, тоа ќе биде коснаттирани во текот на денот, најдоцна до среда“, рече кошаркарот на МЗТ, Александар Косотоски.

 

Од ЗКМ напоменаа дека тие во најскоро време бараат да се сретнат со оние кои го предложија правилото, за проблемот да биде решен, потсетувајќи дека насекаде низ Европа, во националните шампионати е ограничен бројот на странски играчи кои настапуваат во клубовите.

 

„Ние како Здружение бараме што поскоро да се состанат прволигашите, да се разговара со Федерацијата, таму да имаме наш преставник за да знаеме за што точно ќе се разговара. Ние никогаш не сме учествувале на тие претходни средби, не знамеме за што се разговарало во врска со бројот на странски кошаркари. Сакаме да се отвори дебата во Федерацијата и што поскоро да се реши проблемот. Ние не сме за ограничување на бројот на странците, доколку клубовите имат пари нека имаат и по десет странски кошаркари. Ние бараме да се ограничи бројот на странци во домашното првенство, клубовите сакаат краткорочно да направат успех на меѓународната сцена, ние сакаме да го заштитиме домашното првенство. Секаде во Европа е ограничен бројот на странци во националните првенства“, рече Ѓорѓи Чековски.

 

Разбирање за кошаркарите, иако целосно не бил запознаен со проблемот, искажа и новиот македонски селектор Александар Џикиќ.

 

„Тоа не зависи од нас, во групата има уште три репрезентации. Тоа не зависи од мене и од овие момци, каква и да биде нивната одлука. Постојат играчи кои направија многу за македонската кошарка, играчи кои ја сменија историјата, играчи кои помагале и уште помагаат. Ова ќе се реши, нема тука некоја голема филозофија. Ова е манифестација дека овие луѓе овде имаат ј…а, дека се грижат и работат за своите интереси. Јас не ги знам сите детали, но доколку тие само не се заштитат кој ќе го стори тоа? Се менува едно правило кое е исклучително важно, јас се согласувам со луѓето кои говореа пред мене“, рече селекторот.

 

Исто така, кошаркарите добија поддршка и од претседателот на Македонската кошаркарска федерација, Даниел Димески, кој побара репрезентацијата која е светост за секој играч да не се меша во ова прашање. 

 

„Репрезентацијата не е местото каде треба да се решава овој проблем. Побарав време, бидејќи станува збор за спротивставени ставови. Јас ќе стојам зад играчите, ќе се вложам себеси за да се реши проблемот. Се согласувам дека преголемиот број на странски играчи ќе има далекусежни последици и поради тоа треба да најдеме начин ова да биде решено. Ќе бараме средба со сопственците на клубовите бидејќи мора да ги заштитиме домашните. До септември мора да биде решен проблемот. Уште еднаш би апелирал до играчите кои јавно го искажаа своето мислење, во ова да не ја мешаат репрезентацијата. Ова прашање ќе мора да се решава на Собранието на клубовите“, истакна претседателот Димески./крај/мф/нц

 

Извор: makfax



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Домашен

На државното првенство во скајранинг поставен нов рекорд на патеката на Титов Врв

Објавено пред

Во организација на планинарскиот клуб „Македон“, вчера (28 јуни) се одржа второто издание на планинската (скајранинг) трка „Титов Врв скајрејс“ на Шар Планина, воедно и државно првенство во скајранинг за 2020 година.

Ова е највисоката трка во Македонија на која натпреварувачите поаѓајќи од Попова Шапка го искачуваат Титов Врв 2.747 мнв и се враќаат назад, притоа совладувајќи дистанца од 20 километри и 1.900 висински метри по стрмен и каменест терен.

На трката учествуваа лимитиран број натпреварувачи (вкупно 47) со цел да се запазат мерките за заштита од Ковид-19, а беа постигнати одлични резултати.

Во машка конкуренција победник е Дејан Ангелоски со време 2 часа 39 минути, што претставува нов рекорд на патеката, на второто место се пласира Александар Кирковски (2:42) додека трет беше Атанас Анчевски (2:52).

Кај девојките победи Елена Ртоска со нов женски рекорд, кој сега изнесува 3 часа 43 минути, а зад неа на подиумот финишираа Сања Најдовски (4:01) и Ивана Пекевска (4:15).

Скајранингот е екстремна форма на планинско трчање кое се одвива на надморска височина од над 2.000 метри, по исклучително стрмни и каменести терени.

Овој спорт, кој започнува да се развива во алпските земји пред 30-тина година, денес доживува сè поголема популарност во светот со аспирации да стане и олимписки спорт.

Федерацијата за планинарство на С.Македонија е полноправен член на Светската скајранинг федерација (ISF), а минатата година македонска репрезентација за првпат настапи на европското првенство во Италија.

Прикажи повеќе...

Домашен

Црни шест минути за незгоден пораз од Чешка

Објавено пред

Ракометната репрезентација на Македонија доживеа незгоден пораз од 27:25 од Чешка,
откако по одличното прво полувреме во кое имавме два гола предност (11:9) дозволивме
противниците со прекрасни шест минути во второто полувреме да го свртат мечот и да
направат три гола предност од кои потоа немаше опоравување.

Поразот значи дека за пласман во втората фаза ќе мораме да одиме на резултат против
домаќинот Австрија, кои имаат 2 поени и вечерва ја пречекуваат Украина, што ќе биде
многу тешко за остварување.

А во првото полувреме, сè одеше според планот. Со одлична игра во одбраната ги
ограничивме Чесите на само девет гола, а во нападот и покрај тешкотиите оддржувавме
предност благодарение на Кирил Лазаров и Дејан Манасков.

Но, на почетокот на второто полувреме, Чесите направија серија од 6:1 и целосен
пресврт за да поведат со 15:12. Лазаров со два гола успеа да не доближи на гол-разлика,
но Чесите повторно дојдоа до три разлика. На седум минути пред крајот, успеавме да
доближивме на гол разлика (22:21), за Манасков да израмни на 22:22, по што се играше
гол-за-гол до крајот на мечот во драматична завршница.

Ветеранот Ондреј Здрахала погоди за 26:24 на две минути пред крајот за да го „реши“
мечот, по што Лазаров со брз гол намалува на 26:25, за во следниот напад Чесите
повторно стрелаа за конечни 27:25.

Лазаров со 11 гола беше најдобриот стрелец во македонската репрезентација, Манасков
додаде 5, а Гоце Георгиевски уфрли 4.

ЕВРОПСКО ПРВЕНСТВО, 2.КОЛО
ГРУПА Б
Чешка – Македонија 27:25 (9:11)
Австрија – Украина 18.15 ч.
Табела: 1.Австрија 2, 2.Чешка 2, 3.Македонија 2, 4.Украина 0
ГРУПА Д
Португалија – Босна и Херцеговина 27:24 (12:11)
Франција – Норвешка 18.15 ч.
Табела: 1.Португалија 4, 2.Норвешка 2, 3.Франција 0, 4.БиХ 0
ГРУПА Ф
Швајцарија – Полска 31:24 (14:12)
Шведска – Словенија 18.15 ч.
Табела: 1.Шведска 2, 2.Словенија 2, 3.Швајцарија 2, 4.Полска 0

Прикажи повеќе...

Домашен

Стоилов најдобар скопски спортист, а РК Вардар најдобар клуб во 2019

Објавено пред

Во големата сала на Советот на Град Скопје денеска се одржа доделување на наградите за најуспешни спортистки, спортисти, тренер и спортска екипа во главниот град.

За најдобар спортист на Скопје во 2019 е прогласен Стојанче Стоилов од РК Вардар, а неговиот тим годинава повторно е прогласен за најдобар скопски клуб.

Ракометарот на Вардар, Даинис Криштопанс, е добитник на наградата за најдобар странец, кој настапува во екипа од Скопје.

Суфијан Исмаили од борачкиот клуб „Лирија“ е избран за најдобар тренер, а борачот Бесир Алили е најдобар младинец.

Тенисерката Александра Симева, пак, е порогласена за најталентиран младинец.

Прогласувањето беше извршено од Град Скопје во соработка со Сојузот на спортовите на Скопје.

Прикажи повеќе...

Најново

Македонија11 час

Затвореникот од „Идризово“ се заразил на викенд, 18 затвореници се во самоизолација

Осумнаесет затвореници од затворот „Идризово“ се во самоизолација поради контакт со осуденик што се заразил со коронавирус. Директорот Боби Мојсовски...

Свет13 часа

СЗО: Ризикот за смртност од коронавирус е поголем кај пушачите

Светската здравствена организација (СЗО) соопшти дека пушењето цигари може да предизвика потежок облик на болеста Ковид-19 и поголема смртност кај...

Македонија15 часа

Милошоски со втор негативен тест на Ковид-19

Пратеникот на ВМРО-ДПМНЕ, Антонио Милошоски, објави на социјалните мрежи дека и вториот тест на Ковид-19 му е негативен. „Почитувани пријатели,...

Македонија16 часа

Градоначалникот на Охрид бара поддршка за уривање на дивоградбите на охридското крајбрежје

„Процесот на рушење на дивоградби во Охрид ќе трае и можеби ќе треба да го продолжи некој друг градоначалник по...

Македонија16 часа

15 починати и 173 нови случаи на Ковид-19 во земјава

Министерството за здравство информира дека во последните 24 часа се направени 1.653 тестирања, а регистрирани се 173 нови случаи на...

Македонија17 часа

Утре ќе се разговара за затворање на границите со Србија и Косово

Министерството за здравство информира дека, со оглед на развојот на ситуацијата со коронавирусот во соседството, Комисијата за заразни болести на...

Спорт19 часа

Ѓоковиќ и сопругата се негативни на Ковид-19

Новак Ѓоковиќ и неговата сопруга Јелена се негативни на вирусот Ковид-19, покажале резултатите од последните ПЦР тестови кои на сопружниците...

Економија20 часа

(Видео) Ангеловска: Резултатите се подобри од очекуваното, економијата почна да закрепнува

„Она што го почнавме на почетокот на оваа ковид-криза, а во духот на транспарентноста и отчетноста, односно навремено па дури...

Македонија21 час

Османи: Процедурите за попис на населението ќе почнат по изборите

Вицепремиерот  Бујар Османи, кој истовремено е висок функционер во ДУИ, најави дека подготовки за спроведување на пописот ќе започнат по...

Македонија22 часа

(Видео) Заев: Се забрзува интеграцијата во ЕУ, да запрат лагите дека сме го изгубиле македонскиот јазик

Лидерот на СДСМ, Зоран Заев, на прес-конференција пред Собранието порача дека македонската интеграција во Европската Унија се забрзува, а за...

Свет22 часа

Пресечена пратка за Европа: Запленети 7,5 тони кокаин, вреден 286 милиони долари

Во заедничка акција на полицијата на Колумбија и САД, запленети се 7,5 тони кокаин во вредност од 286 милиони долари,...

Свет22 часа

Трамп се предомисли: Сите треба да носат маски

Американскиот претседател, Доналд Трамп, кој се противеше на тоа да го покрива лицето во јавноста, рече дека е за тоа...

Македонија22 часа

Со донација на коскена срцевина, македонски дарител му помогна на пациент од Бугарија

Од Институтот за трансфузиона медицина информираат дека во изминатите два дена било спроведено колекционирање на хематопоетски матични клетки од доброволен...

Свет22 часа

Вооружен напад на рехабилитациски центар во Мексико – 24 убиени

Најмалку 24 луѓе се убиени, а седум се ранети во вооружен напад во нерегистриран центар за лекување зависности од дрога...

Македонија22 часа

Санкционирани 461 лице за неносење заштитна маска

Во текот на изминатото деноноќие (1/2.07.2020 година) на територијата на целата држава по однос на мерката за неносење лична заштита...

Свет23 часа

По низа грешки, министерот за здравство на Нов Зеланд поднесе оставка и се нарече идиот

Новозеландскиот министер за здравство, Дејвид Кларк, денеска поднесе оставка по низа лични грешки за време на пандемијата на коронавирусот. Кларк...

Свет23 часа

Голема трагедија во рудник во Мјанмар, загинаа најмалку 50 рудари

Најмалку 50 рудари загинаа во одрони во рудник за жад на северот на Мјанмар, соопштија властите. Се претпоставува дека бројот...

Свет23 часа

По два месеци пауза, коронавирусот се врати во Токио

Во Токио се забележани над 100 новозаболени од коронавирус што е најголем број на нови случаи во последните два месеци....

Свет1 ден

Советот за безбедност на ОН ја усвои резолуцијата за прекин на сите конфликти поради коронавирусот

Советот за безбедност на ОН денеска едногласно ja усвои резолуцијата со која се бара прекинување на конфликтите низ целиот свет...

Македонија2 дена

Нови 120 заболени и четворица починати oд Ковид-19 во земјава

Министерството за здравство информира дека во последните 24 часа се направени 954 тестирања, а регистрирани се 120 нови случаи на...

Досие