Домашен
Куп на Македонија: Шкендија убедлива против Вардар
Шкендија стекна голема предност над Вардар по првиот четвртфинален натпревар во фудбалскиот Куп на Македонија. Шкендија, во четвртокот, на стадионот во Чаир славеше над Вардар со 3:0 (2:0). Вардар половина од првото полувреме одигра со играч помалку, а целото второ го одигра со двајца фудбалери помалку.
Фудбалерите на Шкендија првиот гол го постигнаа преку Жуниор во 22.минута, Бразилецот центаршутот на Демири со глава го спроведе во голот на немоќниот Пачовски.
Четири минути подоцна започнаа проблемите на Вардар, Ерменецот Хабмарџумјан, направи остар прекрошок на средината од теренот, поради што го доби вториот жотл картон и мораше да ја напушти играта.
Бесарт Ибраими имаше можност во 33.минута да ја зголеми предноста на Шкендија, но неговиот одличен удар од 20-тина метри Пачовски го одбрани со помош на гредата.
На пет минути до крајот на првиот дел, еден од најискусните во редовите на Вардар, Горан Попов направи неразбирлив потег поради кој доби црвен картон. Левиот бек на Вардар додека ја градеше топката без потреба го удри со лактот Тодоровски, судијата Ставрев без размислување му покажа директен црвен картон, по што нервозниот Попов го погоди со топката. Дефанзивецот на патот кон соблекувалната имаше и вербална расправија со навивачите на Шкендија.
Една минута по исклучувањето на Попов, Шкендија ја материјализираше предноста од двајца играчи повеќе.
Капитенот Цуцули прими една топка на левата страна влезе шеснаесетникот и со убав удар го погоди спротивниот агол од голот на Пачовски.
Иако со двајца повеќе на теренот играчите на Шкендија не вршеа некој силен притисок кон голот на Вардар во второто полувреме. Вардаровата дефанзива лесно ги одбиваше нападите, а Пачовски спаси сигурен гол кога во ситуација ‘еден на еден’ го одбрани ударот на Жуниор во 53.минута.
Втората убава можност за Шкендија, во вториот дел, ја имаше Кировски, но иако беше сам пред Пачовски тој со глава биеше многу непрецизно.
Конечниот резултат го постави Радевски во 91.минута. Ибраими лесно го мина на левата страна Брдаровски, нафрли по земја, Кировски биеше но Грнчеров одбрани од гол линијата, а на одбиената топка налета Радевски и ја смести во голот. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.