Домашен
ЛЕ: Металург гостува во Никозија
Фудбалерите на Металург кои ја бранат честа на Мак фудбалот во европските купови, во четврток, ќе го одиграат првиот натпревар од третото квалификациско коло во Лига Европа. Металург, на Кипар, во првиот меч ќе и гостува на екипата на Омонија.
Металург, до третото коло стигна со нерешениот резултат 2-2, против Железничар изборен во последните секунди од натпреварот, додека Омонија во второто коло лесно се справи со црногорскиот преставник Будуќност.
Тренерот на Металург Срѓан Захариевски, фаворитската улога му ја препушта на домаќинот, со најава дека неговата млада екипа во Ниозија ќе оди да се надигрува со противникот.
Традицијата во европските дуели е на страната на Омонија, оваа екипа во минатото играла шест натпревари против Слога Југомагнат, Ренова и Милано и на сите мечеви забележала победа.
Дуелот помеѓу Омонија и Металург ќе стартува во 18 часот. Покрај овој дуел низ Европа ќе се одиграат уште 27 натпревари.
Шахтјор-Караганди-Хајдук Сплит
Астана-АИК Гетеборг
Нефчи-Чихура
Астра-Либерец
Динамо Москва-Ирони Кирјат Шмона
Елфсборг-Хафнафјодур
Рух Хоржов-Есбјерг
Бромапојкарна-Торино
Динамо Минск-Клуж
Гетеборг-Рио Аве
Карабик-Розенборг
Млада Болеслав-Лион
ПСВ Ајндховен-Санкт Пелтен
Тренчин-Хал
Јанг Бојс-Армис Арадипу
Зарја-Молде
Петролул-Викторија Плзен
Сплит-Черноморец
Викингур-Ријека
Варегем-Шахтјор Солигорск
Бриж-Брондби
Диошѓер-Краснодар
Сараево-Атромитос
Мајнц-Астерас Триполис
Реал Сосиедад-Абердин
Стјаман-Лех Познањ
Сент Џонсон-Спартак Трнава
Грединг-Зимбру. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.