Домашен
ЛШ: Металург поразен во Загреб
Ракометарите на скопски Металург го забележаа и третиот пораз во првите три кола во годинешниот циклус од Групата А во Лигата на шампионите, откако не издржаа во финишот пред преполната загрепска „Арена“ и забележаа пораз од ППД Загреб со 19-17 (10-8).
Мечот имаше огромно значење за Металург кој беше пред императивот на победата по двата претходни пораза од Брест Мешков и Парис Сен Жермен, во битката за место кое води во елиминаторната фаза од Лигата на шампионите, особено што Загреб претходно на свој терен во првото коло го совлада еден од фаворитите – Кил. Токму затоа, очекувано следеше тежок натпревар со малку голови во кој на клупите се судрија двајцата големи ракометни стратези и стари лути ривали од Скопје, Лино Червар на клупата на Металург и Веселин Вујовиќ, поранешниот тренер на скопски Вардар, кој годинава го води ППД Загреб.Играчите на Металург и покрај добрата игра во одбраната во првото полувреме не успеаја во неколку прилики да ја стигнат предноста на домаќините која се движеше најчесто од гол разлика и дозволија Загреб на полувреме да замине со предност од два гола, односно 10-8.Домаќините беа во водство и на почетокот од второто полувреме, но во ниеден момент нивната предност не мина три гола, а потоа во периодот од 40 до 44 минута металург направи серија од 4-1 и поведе со 15-13. Од тогаш Металург успеваше да ја одржува предноста од еден до два гола, иако во продолжение следуваа неколку проблематични судиски одлуки, па скопјани во еден од решавачките моменти кога Загреб не можеше да организира сигурен напад мораа да играат и без два играча. Нервозата кај македонските ракометари предизвика Загреб во 53 минута да се врати во предност (17-16). Во завршните две ипол минути домаќините доби два удари до седум метри кои успешно ги реализираа, додека за металург беше свирен фаул во напад.За одбележување е што најпрецизниот играч на мечот, Златко Хорват од 19 голови на Загреб постигна дури 9 голови, од кои 7 од седмерци, односно ги реализираше сите досудени. Кај Металург, најефикасен беше Лука Циндриќ со 4 погодоци.Од Групата А се одигра уште и мечот Брест Мешков – Кил, кој заврши со победа на гостите од 24-25, додека во недела Пари Сен жермен го пречекува тимот на Ла Риоха.На табелата води ПСЖ, кој има две победи од два меча, па следува ТХВ кил со две победи од три меча и послаба гол разлика, ППД Загреб е трет, исто така, со 4 бодови, на четвртокот место е Ла Риоха со два бода и меч помалку колку што има и претпоследниот Брест Мешков, а шести последен е Металург со сите три пораза и гол разлика од минус 9./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.