Домашен
Минчо Јорданов: Играчите направиja пуч, клубот ќе покрене постапки-видео
Случувањата, односно кризата, којашто го тресе ракометниот клуб Металург веќе три дена е топ тема во македонската јавност. Откако целиот прв тим најпрвo одби да тренира, потоа и да отпатува во Загреб на натпревар од СЕХА лигата и на крај да го обвини тренерот Лино Червар дека е главниот виновник за целата ситуација, клубот се огласи со соопштение во кое му даде јасна поддршка на својот тренер.
Во врска со целокупната ситуација во клубот, во четвртокот во интервју за телевизијата Канал 5 зборуваше сопственикот на Металург, Минчо Јорданов. Според него ракометарите не штрајкуваат, туку направиле вистински пуч, за што клубот ќе преземе соодветни мерки. „Тука се работи за вистински пуч, тоа беше еден тажен ден за Металург, за македонскиот ракомет и за македонскиот спорт. Во нивното писмо се напаѓа бенифитот, се напаѓа она што е успехот на овој концепт, а тоа е созадавањето македонски играчи. Се бара оставка од тренерот којшто освои четири шампионски титули, тренер кој ја размрда цела Европа, двапати преку квалификации го внесе тимот во Лигата на шампиони, а минатата сезона со подмладен тим ја освои титулата шампион на Македонија. Тажно е што на таков начин се напаѓа и политиката на клубот и на тренерот, со образложение дека тој ги уништува најдобрите македонски ракометари. Не се во прашање парите, туку тоа е егоистички напад на двајца-тројца ракометари кои живеат многу добро, од неразбирливи причини бидејќи нивните позиции и работење не беа доведени во прашање. Ова е тажно и навредливо за клубот, за тренерот и за мене лично, бидејќи ова се прави со голем напор и големи финансиски средства“, рече Јорданов. Од целата криза трпи и ракометната репрезентација на Македонија, бидејќи 13 играчи на Металург го носат националниот дрес. „Ракометната федерација со право е загрижена околу сево ова, и мислам дека ќе добиеме поддршка и од федерацијата, затоа што и тие претходно имаа вакви ’немири’ во селекцијата, и затоа што ова е концепт за иднината на македонскиот ракомет. Ние не чувствуваме одговорност околу идниот статус на репрезентативците. Ние имавме разговори со нив сиот овој период и пред да го направат овој пуч, и тие мораа да бидат свесни за последиците од еден ваков чин. Одговорноста е само кај два-тројца ракометари кои повлекоа еден ваков срамен чекор. Мислам дека голем број од останатите ќе разберат дека згрешиле и дека ќе се приклучат на тимот и со самото тоа ќе бидат подготвени за настап во репрезентацијата“, изјави Јорданов во интервјуто телевизијата Канал 5./крај/мф/нц
Извор: kanal 5
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.