Домашен
МЗТ не успеа да направи чудо, Ц.звезда победи во Скопје
Кошаркарите на Црвена звезда, во Скопје, забележаа победа над МЗТ (79:76) и го задржаа максималниот ефект во АБА лигата по 13 одиграни кола. Со оваа победа беградскиот тим влезе во историјата на Јадранкста лига, бидејќи го соборија рекордот на Олимпија од 12 победи во низа.
Црвена звезда одигра одлично прво полувреме, во целост нејзините кошаркари ја контролираа играта, а добриот процент на реализиција им ја донесе највисоката предност од 55:35.
Сепак играчите на македонскиот шампион во вторито дел најдоа сили целосно да се вратат во натпреварот и на седум минути до крајот стигнаа до предност 64:63.
Изненадување не дозволија Блажиќ кој погоди два пати во серија, а потоа и Јовиќ, постигна тројка и имаше две асистенции за Марјановиќ. МЗТ на 20 секунди до крајот имаше можност да се бори за победа, но Цветковиќ, при резултат 77:74 не успеа да положи една топка во кошот, а потоа Блажиќ од линијата за слободни го потврди триумфот на својот тим.
Предраг Самарџиски на своето деби во дресот на МЗТ оставри двоен ефект од 17 поени и 10 скокови, Сеад Шеховиќ постигна 14 поени, а најефикасен кај МЗТ беше играчот кој како позајмен токму од Црвена звезда настапува во скопскиот тим, Александар Цветковиќ со 19 поени.
Германецот Мајк Цирбес со 13 поени беше најефикасен во редовите на Црвена звезда.
Црвена звезда по 13 натпревари е лидер во лигата, додека МЗТ со скор 4/9 се наоѓа на претпоследното место. Следното коло во регионалната лига се игра веќе в среда, МЗТ ќе ја пречека Мега додека Ц.звезда ќе гостува во Софија. крај/мф/нц
Извор: фото abaliga.com
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.