Домашен
МЗТ Скопје: Нема опасност од никакви санкции
– фото mztskopjeaerodrom.mk
Кошаркарскиот шампион на Макеоднија, екипата на МЗТ Скопје Аеродорм, со соопштение одоговори на информацијата, која во средата ја пренесоа некои медиуми, дека Македонската кошаркарска федерација (МКФ) му се заканува на клубот со дисциплинска постапка доколку, до 30.септември не се откаже од настапите во Еврокупот и АБА лигата.
Кошаркарскиот шампион на Макеоднија, екипата на МЗТ Скопје Аеродорм, со соопштение одоговори на информацијата, која во средата ја пренесоа некои медиуми, дека Македонската кошаркарска федерација (МКФ) му се заканува на клубот со дисциплинска постапка доколку, до 30.септември не се откаже од настапите во Еврокупот и АБА лигата.
МЗТ во новата сезоната ќе настапува во Еврокупот и АБА лигата, во која исто така сезонава ќе дебитира и екипата на Карпош Соколи.
Во продолжение во целост го пренесуваме соопштението на МЗТ: „Денешното објавување на дописот кој Македонската кошаркарска федерација (МКФ) го испратила до МЗТ Скопје Аеродром, а во кој ни се „НАЛОЖУВА официјално да се откажеме од настапот во Еврокупот и АБА-лигата“, креира потреба од дополнително објаснување од наша страна, со цел јавноста да ја има вистинската слика за оваа ситуација, која и тоа како го засега нашиот клуб.
Прво би сакале да напоменеме дека денеска објавениот допис е од пред 40-тина дена (16 август) и е само прв од преписката која во следниот период постоеше помеѓу МКФ и МЗТ Скопје, со цел да се најде заеднички јазик и излез од проблемот кој ги притиска двете страни. Мора да нагласиме дека сме свесни дека реакцијата на Федерацијата доаѓа по притисок од ФИБА и закана за евентуална суспензија на националниот тим и тоа пред почетокот на квалификациите за пласман на ЕП 2017.
Поради тоа, во нашиот одговор до МКФ испратен неколку дена подоцна, побаравме да ни биде доставена писмената одлука на ФИБА, со цел „таа да биде разгледана и да биде заземен став кој кореспондира со постојните прописи, интересите како на клубот така и на Федерацијата“. Истовремено, од МКФ, како заштитник на интересите на сите кошаркарски клубови кај нас, побаравме да „преземе соодветни дејствија за оценување на легитимноста и законитоста на одлуката на ФИБА“.
Поради сето ова, а пред сѐ поради фактот што нашиот настап во двете реномирани натпреварувања на УЛЕБ значи и голем плус за македонската кошарка воопшто, од Управниот одбор на МКФ побаравме да ја повлече донесената одлука од 16 август бидејќи во спротивно ќе преземеме дејства за „оценување на законитоста на истата од страна на Собранието на МКФ со оглед на фактот што УО на МКФ е одговорен за своето работење токму пред овој орган“.
Исто така, побаравме бидеме информирани за „начинот на надомест на штета на нашиот клуб која би настанала ако се откажеме од настап во Еврокупот и од АБА-лигата или да ни понудите алтернатива за учество во друго меѓународно натпреварување“.
По нашиот приговор, на 13 септември годинава, добивме нов допис од МКФ во кој челните луѓе на Федерацијата нѐ известуваат дека „претходната одлука од 16 август пред сѐ има ИНФОРМАТИВНО-ОПОМЕНУВАЧКО дејство бидејќи е врзана со евентуално друга настаната ситуација. Оваа одлука (од 16 август-н.з.) во моментов не може да има дејство бидејќи сѐ уште од ФИБА Европа нема конечен став по однос на учествата во наведените лиги ниту конкретна одлука за санкционирање на МКФ. Во оваква ситуација, кога сѐ уште нема конкретни санкции ниту против МКФ ниту према вашиот клуб нема потреба да се дискутира и за евентуална штета која би ја претрпел МЗТ Скопје Аеродром. Секако не е цел на МКФ да било која членка, а особено не државниот првак да биде оштетен. Проблемот не е помеѓу МКФ и клубовите, туку истиот е наметнат од ФИБА Европа каде што МКФ е членка, со надеж дека истиот позитивно ќе се реши без никакви санкции, штети и спорови“.
Сето ова покажува дека МЗТ Скопје Аеродром во моментов не е во опасност од било каква санкција било од УО на МКФ било од Дисциплинската комисија на Федерацијата, ниту, пак, е загрозан нашиот настап во Еврокупот и во АБА-лигата. Исто така, покажува дека постои дијалог помеѓу двете страни, со оглед на заедничката цел – мирно решавање на проблемот кој е инициран на далеку повисоко ниво.
Исто така, со оглед на сензитивноста на прашањето, би замолиле во иднина да бидеме консултирани пред да се објавуваат текстови поврзани со оваа тема, пред сѐ поради зачувување на интегритетот на нашиот клуб, на МКФ, но и на македонската кошарка во целост. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.