Домашен
Охридски маратон: Поп Ацев адут на Македонија, ланските победници не го пријавија учеството
– фото ohridnews.com
Помалку од 72 часа нé делат од стартот на 29-то издание на Охридскиот пливачки маратон, кој е претпоследен од петте маратони (Аргентина, Мексико, Канада, Македонија, Италија) во Гран при серијата на Меѓународната пливачка федерација (ФИНА).
Помалку од 72 часа нé делат од стартот на 29-то издание на Охридскиот пливачки маратон, кој е претпоследен од петте маратони (Аргентина, Мексико, Канада, Македонија, Италија) во Гран при серијата на Меѓународната пливачка федерација (ФИНА).
Триесеткилометарската маратонска трка традиционално се плива на патеката „Климе Савин“, од Свети Наум до градското пристаниште во Охрид.
Организаторите на годинешниот, 29-ти маратон, Меѓународната пливачка федерација-ФИНА, Македонската пливачка федерација (МПФ), Општина Охрид и Капетанијата на пристаништата, велат дека финишираат подготовките за најголемиот меѓународен пливачки настан во Република Македонија.
Од Пливачката федерација на Македонија за Макфакс изјавија дека за маратонската трка досега своето учество го пријавиле 20 маратонци од кои 10 мажи и 10 жени од Македонија, Аргентина, Италија, Венецуела, Бразил, Бугарија, Канада, Германија, Хрватска, Русија и Шпанија. Македонски преставници на трката ќе бидат Евгениј Поп Ацев кој лани го освои второто место, ветеранот Томи Стефановски, односно Александар Илиевски и Александар Панчевски.
На маратонската трка оваа година нема да учествуваат минатогодишните победници, Белгиецот Брајан Рикеман, кој сезонава настапи само на маратонот во Мексико, и Силвија Рибарова од Чешка.
Листата во машка конкуренција е исклучително силна, бидејќи учеството го имаат пријавено првите четворица во вкупниот пласман во Гран при серијата на ФИНА: Бертран Вентури од Франција (28 бодови), Гзавие Дешарне од Канада (25 бодови), Евгениј Поп Ацев (23 бодови) и Симоне Ерколи од Италија (20 бодови).
Исто така, најдобрите четири во женска конкуренција во вкупниот пласман го пријавија учеството на Охридскиот маратон: Пилар Хиехо од Аргентина (42 бода), Естер Нуњез од Шпанија (31 бод), Аличе Франко од Италија (26 бодови) и Рита Гарсија од Аргентина (17 бодови).
Инаку наградниот фонд на маратонот и оваа година изнесува 10.000 евра, а рекордот на патеката го држи Бугаринот Петар Стојчев (5:19:30.35 часа) кој е 11-кратен победник на трката.
Повеќе детали околу организација, пријавените учесници и самата трка организаторите ќе соопштат в четврток, за кога во Охрид во 12 часот е закажана прес-конференција./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.