Домашен
Перо Антиќ: МКФ, магазин со интересни теми
Македонската кошаркарска федерација (МКФ), во четвртокот, го назначи за пошироката спортска јавност, анонимниот српски тренер Драган Раца (55) за нов селектор на најдобриот национален тим. Раца ќе ја предводи репрезентацијата во квалификациите за пласман на ЕП во 2017 година, а доколку избори пласман тогаш ќе остане на селекторската функција. Македонија за противници во квалификациите ги има Луксембург, Унгарија и Велика Британија.
Изборот на Раца, предизвика реакција на Перо Антиќ, кој на својот профил на Фејсбук, напишал дека селекторот ќе „биде само пион во рацете на Заре и компанија“, нарекувајќи ја Федерацијата „забавниот Магазин МКФ со интересни теми“.
„Продолжува забавниот Магазин МКФ со интересни теми. Нема што да се каже повеќе.. На сите им е јасно што се дешава. Дуо фантастико пак си играат со нешто што се правеше откако не оставија во Б дивизија.
Само можам да кажам срамота и со среќа до новиот пион на Заре и компанија… Се знаее кој сака да е селектор и кој ќе биде, гледаме како сакаат да си воведат свои правила…Поздрав до Полак Намик и компанија кои гледаат само да помогнат само на кошарката во Македонија 🙂
Јас само можам да ветам дека можам да им удрам по еден шамар (што ќе се деси кога да е). Иако не сум политички определен како Полак, претседателот е мој познаник и би ми ги опростил сите гревови што би им ги направил на нив.
Гледам дека така е кај нас шемата сега. Срам да ви е !
Заборавив, поздрав од небитниот“, пишува Антиќ на својот профил на социјалната мрежа Фејсбук.
Отворените несогласувања и „војувањето“ по социјалните мрежи помеѓу Антиќ и првиот човек на МКФ, Наумовски, започна уште на Европското првенство кое се одржа во септември минатата година. крај/мф/нц
Извор: facebook
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.