Домашен
Персонални проблеми за Обрван пред Швајцарија и Чешка
Уште на првиот собир селекторот на националниот тим, Ивица Обрван, се соочи со персонални проблеми, Ренато Вугринец нема да биде во тимот поради семејни причини, Наумче Мојсовски има проблеми со клубот, додека капитенот Кирил Лазаров се уште ја нема залечено повредата на листот, со која се здоби во финалето на Лигата на шампионите.
„Како и секогаш, на крајот од сезоната главен е оној список од 28 играчи поради разно разните ситуации кои се случуваат, ние имаме проблени со оној скратен список од 19 ракометари кој го објавивме. Двајцата наши репрезентативци кои играат во Катар, Вугринец откажа од приватни причини, а Мојсовски се уште не тргнал бидејќи има одредени проблеми со клубот, генералниот секретар на РФМ е во контакт со федерацијата на Катар. Сигурно е дека Мојсовски нема да биде на тренингот в понеделник, а дали воопшто ќе биде во составот за Швајцарија не знам. Го повикавме Лазо Мајнов бидејќи Кире Лазаров има проблеми со повредата на листот на ногата и не знаеме колку ќе може да помогне, но и Мајнов е повреден има проблеми со Ахиловата тетива, го побаравме и Кузмановски но и тој откажа“, изјави селекторот Обрван.
Инаку во последните два меча Македонија сама ја решава судбината околу пласманот на континеталниот шампионат во 2016 година. Со две победи македонските ракометари ќе бидат сигурни учесници на ЕП.
„Со две победи сме сигурни, иако постојат и други калулации доколку в среда Франција слави над Чешка, меѓутоа ние и на двете средби ќе одиме на победа. Имам целосна доверба во играчите кои ќе ги имам во тимот за првиот меч (со Швајцарија). Доколку биде ризично да ја влошиме повредата на Кире, а неговиот настап не биде неопходен тогаш нема да ризикуваме, тој ќе ни биде потребен за мечот со Чешка. Како ќе се поставиме против Швајцарија и како ќе играме ќе мора да попричекаме до пред мечот или до неговиот почеток“, рече Обрван.
Македонските ракометари во вторник ќе отпатуваат за Швајцарија, каде на 10 јуни во Сент Гален ќе играат против домаќинот, додека последниот меч во квалификациите ќе го одиграат на 14 јуни против Чешка во Скопје.
На табелата во Групата 6 води Франција со максимални осум бода, Чешка има пет, два повеќе од Македонија, додека Швајцарија е последна без освоен бод. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.