Домашен
Поп Ацев победи во Охрид: Ми се исполни детскиот сон
Евгениј Поп Ацев испиша нова страница во историјата на маратонскоот пливање во Македонија, откако победи на 29-то издание на Охридскиот маратон, које претпоследен во Гран при серијата на Светската пливачка федерација (ФИНА) . Поп Ацев е првиот Македонец кој триумфирал на еден од најпрестижните маратони во Гран при серијата на ФИНА. Успехот на Поп Ацев е надополнет со третото место кое го освои Томи Стефановски.
Во неизвесна трка Поп Ацев, славеше пред Бразилецот Евангелсита и вториот Македонец Томи Стефановски. Поп Ацев кој со оваа победа го презеде првото место во генералниот пласман во целта имаше време од 5:39.03 часа.
„Речиси цело време сите бевме заедно во една група. Темпото не беше премногу силно, сите помалку тактизиравме, јас се обидував да ја ‘штедам енергијата’ за последните 1,5 километри. Оваа победа ми значи многу, оваа желба ја имав уште како дете, најпрвин имав желба да учествувам, потоа да го испливам, па да се пласирам на подиумот и сега ми се исполни најголемата желба да победам во Охрид“, рече по завршувањето на трката победникот Поп Ацев.
На 6.септември на трката Капри Наполи македонскиот маратонец ќе се бори за севкупна победа во генералниот пласман во Гран при серијата на ФИНА.
„Се надевам дека ќе успеам да ја освојам Гран при серијата. Престои уште една голема трка, сега ќе се подготвувам за неа. Победата во Охрид ми ја зголеми самодовербата“, дополни Поп Ацев.
Инаку втор на целта зад Поп Ацев доплива Аргентинецот Дамијан Блаум, но тој беше дисквалификуван бидејќи неправилно влегол во последните сто метри.
Во женска конкуренција прва на целта стигна Италијанката Аличе Франко (5:44:03 часа), пред Русинката Ана Манкиевич иШпанката Естер Нуњез.
„Многу сум среќна што победив на овој маратон, на ова прекрасно место. Прв пат сум тука, се надевам дека ќе дојдами наредната година, езерото е прекрасно, водата бистра, а трката е перфектна. Беше ова една силна трка, јас се обидував да ги следам мажите, поради тоа остварив вака добар резултат“, рече победничката Франко која во вкупниот пласман во Грен при серијата се наоѓа на третото место.
На годинешното 29-то издание на Охридскиот маратон учествуваа 20 маратонци, 10 во машка и 10 во женска конкуренција. Наградниот фонд изнесува 10.000 американски долари, а покровител на маратонот е претседателот на Република Македонија Ѓорѓе Иванов. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.