Домашен
Работнички славеше над Трабзон
Фудбалерите на Работнички со минимална предност ќе патува во Турција на реванш натпреварот од третото квалификациско коло во Лига Европа. Во првиот меч на „Филип Втори“, Работнички славеше над Трабзон со 1:0.
Работнички против реномираниот противник одигра одличен натпревар, особено добро на теренот ‘роматичарите’ делуваа во првото полувреме, кога добрата игра и ја крунисаа со гол во 23-та минута преку капитенот Баже Илијоски.
Во првото полувреме Работнички имаше уште неколку добри можности, Илиевски два пати се обиде од слободен удар, додека во вториот дел шансата на мечот ја имаше Анене, но неговиот удар заврши крај голот.
Трабзон за 90 минути созададе само една вистинска шанса, но слично како и Анене и Кардозо од изгледна позиција биеше непрецизно со глава.
Реваншот во Турција ќе се одигра на 6.август.
Текот на натпреварот:
Тренерот на Работнички Игор Ангеловски пред мечот најави дека неговиот тим ќе излезе да се надигрува со противникот и тоа неговите играчи започнаа да го спроведуваат од првата минута.
По пет минути игра првата ветувачка кација на Работнички ја спречи Медјани, поради стартот од зад грб врз Илијоски турскиот играч доби жолт картон. Слободниот удар за Работнички го изведе Илиевски но неговиот удар со крајни напори голманот на Трабзон го исфрли во корнер.
Трабзон првиот обид го имаше во осмата минута, Ердоган нафрли од слободен удар, Божиновски ја боксуваше топката, а дефанзивците на Работнички спречија посеризна опасност.
Веќе во следната минута полскиот судија му покажа жолт картон на Илијоски. Капитенот на Работнички направи непоребен фаул на средината од теренот врз Дурсун.
Трабзон организираше опасна акција во 12-та минута, која во последен момент ја спречи одличниот Цикарски кој успеа да го сопре Сахити.
Во 23-та минута Работнички добрата игра ја материјализираше со гол. Илиевски уптаи длабинска топка кон Илијоски, капитенот на ‘романтичарите’ ја избегна офсајд стапицата излезе сам пред Цакир и рутински го погоди спротивниот агол.
Дефанзивецот на Работнички Илиевски уште еднаш го испроба својот удар, биеше од 30-тина метри но Цакин одбрани.
Последните пет минути од првиот дел му припаднаа на Трабзон, најпрвин Ердоган проби по десната страна центрираше кон Кардозо но пред Парагваецот интервенираше Силјановски.Во претпоследната минута Констант повлече акција низ средината, на десната страна го пронајде Ердоган но на наговиот центаршут задоцни Кардозо.
Второто полувреме започна со жолт картон за Вујчиќ. фудбалерот на Работнички си поигруваше со топката на 25 метри од својот гол ја загуби од Јилмаз, а поради прекршокот влезе во бележникот на полскиот судија.
Нов жолт картон главниот судија покаќа во 54-та минута, пожолте Улудаг поради опасен старт Силјаноски.
Работнички во периодот 56-та до 58-та минута пропушти две убави можност за да го зголеми резултатот. Најпрвин Алтипармаковски лошо го проигра Сахити, а потоа Илијоски излезе сам пред Цакин, но во последен момент Демир му ја одзеде топката.
Една минута по шансата на Илијоски Трабзон преку Кардозо пропушти 100 настотна шанса. Ердоган нафрли од десната страна Кардозо биеше со Глава од 11 метри но неговиот удар заврши крај десниот дирек.
Нов опасен напад на Трабзон и одново преку Ердоган, најдбриот играч на турскиот тим на овој меч, на неговиот центаршут доцнеше Медјани.
Во 73-та минута Работнички преку Анене ја пропушти шансата на натпреварот. Од слободен удар центрираше Илиевски, Анене остана сам пред голамнот Цакин, но Норвежанецот од седум метри со глава биеше крај голот.
До крајот на мечот трабзон ја контролираше играта, Работнички се определи да го брани водството и успеа во своите намери.
Работнички: Божиновски – Цикарски, Илиевски, Ристевски, Сиљановски – Петровиќ, Вујчиќ, Анене, Сахити (од 85 минута Митров) – Алтипармакоски (од 82 минута Маркоски), Илијоски (од 64 минута Трајчевски).
Трабзон: Цакир – Улудаг, Демир (од 76 минута Јокушлу), Јумлу, Дурсун – Медјани, Констант – Јилмаз од 62 минута Хурмачи), Варис од 80 минута Зенгин), Ердоган – Кардозо. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.