Домашен
Ракометарите елиминирани од Словенија
Кога не требаше македонските ракометари го одиграа најлошиот натпревар на Мундијалот во Катар, во осминафиналето тие загубија од Словенија со 28:30 (15:16).
Лошата игра во одбраната и лошиот ден на голманите, реализираните два седмерци од шест обиди, стерилната игра со ракометар повеќе и одбраните на Шкоф во последните пет минути ја чинеа Македонија пораз во најзначајниот меч на СП.
Словенија од самиот старт го презеде водството, во првото полувреме ја оджуваше предноста од два гола, Македонија во финишот успеа да израмни на 15:15, но егал на полувреме спречи Скубе со гол во последните три секунди од првиот дел.
Играта на Македонија осбено во одбраната на Македонија не се смени ниту во второто полувреме. Одбраната беше премногу порозна, Словенците со леснотија ја пробиваа особено во ситуација кога имаа ситуација ‘еден на еден’.
Во 36.минута Словенија прв пат создаде предност од три гола (18:21), а неволјата ја зголеми Миркуловски кој доби директен црвен картон.
Предноста од два – три гола Словенците ја одржуваа до 46.минута кога се одлепија на четири гола (23:27), по што беше јасно дека Македонија има речиси невозможна мисија за да се пласира понатаму.
Драма донесоа послдните пет минути кога Македонија имаше три можнти да се доближи на гол негатива но Герогиевски и Прибак погодија статива, а Шкоф го одбрани ударот на Манасков.
„Многу е тешко сега да се дава некаква проценка. Нема сомнеж дека дадовме се од себе, исто така не можам да кажам дека подобар противник не победи. Тие во текот на целиот натпревар имаа предност, ние многу се трошевме бркајќија нивната предност. Словенија е квалитетен тим, ние нема од што да се срамиме. Покажавме многу на ова СП но кога требаше не одигравме најдобро. Но сепак ние со кренати глави се враќаме дома иако имавме големи амбиции туку“, рече веднаш по мечот капитенот Кире Лазаров.
Словенија во победата од 30:28 ја предводеше Гајич со девет гола, додека голманот Шкоф имаше 12 интервенции.
Во редовите на Македонија со седум гола се истакнаа Лазаров и Георгиевски, додека по пет гола постигнаа Манасков и Стоилов. крај/мф/нц
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.