Домашен
Ракометарите на Вардар преку Висла во четвртфиналето на Веспрем
Ракометарите на македонскиот првак Вардар по драматичната завршница и минимално извојуваната победа над Висла 25-24 успеаја да се пласираат трета година по ред во четврфиналето од Лигата на шампионите и за пласман на турнирот на четирите ракометни великани кои ќе се борат со унгарски Веспрем.
Како што предупредуваше пред реваншот стратегот на „црвено-црните“, Раул Гонзале, нерешениот исход (30-30) од гостинскиот натпревар на му ја гарантираше вкупната победа на Вардар до последните моменти од мечот во Скопје. Се покажаа како точни забелешките дека Висла оваа сезона игра подобро на гостински терен, и на крајот пресудни беа 16-те одбрани на Арпад Штербик.
Иако Вардар тргна решително и во првите петнаесетина минути оствари предност од 8-3, многу брзо Висла Плоцк се врати во игра , па до крајот на полувремето успеа да оствари предност од 13-15. Второто полувреме продолжи во стилот од вториот дел од првото, па полската екипа го одржуваше водството од два до три гола предност некаде до 40-та минута, кога Вардар повторно поведе со 20-19. Следеше водството од 21-20, но и повторен пресврт на Висла кој се одлепи на 21-23, а во последните десет минути и двете екипи влегоа нервозно со многу грешки а притоа вардарци ја имаа предноста во Штербик и успеаја да стигнат до конечните 25-24.
Најефикасен кај Вардар беше Алем Тоскиќ со осум гола, а кај Висла Плоцк Димитри Житников со седум голови.
По натпреварот, Раул Гонзалес ја исткана бирбеност на вардоровите играчи.
„Сакам да им честитам на Висла и на тренерот Каденас, затоа што играа многу добро денеска. За нашата екипа ова беше тежок меч, а тоа го зборував уште минатата недела. Знаевме дека се многу добра екипа со играчи и тренер. Висла до крајот на полувремето беше секогаш со еден гол предност пред нас. На полувремето зборувавме дека мора да победиме, и го победивме притисокот. Мора да истакнам дека сум горд на моите играчи. Ако играте против Веспрем, Кил или Барселона, можете само да победите и да не изгубите ништо, затоа што тие се подобри од вас. Но ова беше сосема различна, ова беа најтешките моменти за нас. Сега играме трето четвртфинале, прво со Фленсбург, потоа со Кјелце и сега со Веспрем. Ќе се подготвуваме интензивно, но сега ни претстои ФФ во СЕХА лигата“, рече варадовиот тренер на прес-конференцијата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.