Домашен
Ракометарите стартуваа со подготовките за ЕП
Ракометната репрезентација на Македонија, во вторникот, ги започна подготовките за на настап на Европското првенство, кое од 15. до 31. јануари наредната година ќе се одржи во Полска.
На првата прозивка, поради обврски кон своите клубови, отсуствуваа неколку играчи (Лазаров, Ристовски, Миркуловски, Јоноски, Георгиевски…), тие на националниот тим ќе му се приклучат во наредните денови, а последен ќе пристигне Ацо Јонски кој на 29. декември има натпревар во Бундеслигата. Првиот собир,поради приватни причини го пропушти и селекторот Ивица Обрван. Македонија на ЕП во првата фаза ќе игра во силната А група, против светскиот првак Франција, домаќинот Полска и Србија. Мечот против Србија според прогнозите ќе биде клучен за пласман во наредната рунда. „Ќе се подготвуваме и ќе го дадеме максимумот за да се прикажеме во добро светло. Да биде реални и во тие два натпревари (Франција, Полска) што и да направиме, каков резултат да извлечеме, сепак за нас финале ќе биде натпреварот со Србија. Мислам дека токму на последниот натпревар треба да го ставиме акцентот на ова ЕП“, рече помошникот на селектор Обрван, Данило Брестовац. Македонските ракометари, како дел од подготовките ќе одиграат по два натпревари со Словенија (4. и 5.јануари) и Црна Гора (10. и 11.јануари). „Кога ги избиравме противниците за овие пријателски натпревари имавме понуди од повеќе репрезентации, но сепак предност добија Словенија и Црна Гора поради тоа што слично како и нашите противници во групата во Полска, најчесто во одбраната ја практикуваат зоната 6-0“, најави Обрван. Европското првенство во Полска ќе биде едно од последните големи натпреварувања за оваа генерација македонски ракометари која во 2011 година на првенството во Белград го освои петтото место. „Се надевам дека научиме од грешките во минатото. Пред секое ЕП говориме дека ова е последна шанса, но сега навистина е така, мислам на ова првенство и на квалификациите за ОИ доколку се пласираме. Секоја година сме сé постари, знам многу луѓе кои сакаат да се пензионираат, мислам дека ова е таа последна шанса и мислам дека сме зрели да го повториме успехот од Србија. За групата во која се наоѓаме некои викаат дека е тешка, некои дека е лесна, мое мислење е дека со сите можеме да играме. Но сепак јасно е дека што и да се случи претходно финалето ќе биде со Србија, нив мора да ги победиме. Ова е шансата на оваа генерација да ги видиме Олимписките игри и се надевам дека нема да разочараме“, рече пикерот на националниот тим, Стојанче Стоилов. Ракометарите подготовките ќе тренираат два пати дневно, по паузата за новогодишните празници на 3. јануари ќе заминат за Словенија, каде со домаќинот ќе одиграа две контролни средби, потоа се враќаат во Скопје каде на 10. и 11. јануари ќе гостува Црна Гора. Репрезентацијата за Полска ќе замина на 13.јануари, а на 15.јануари од 18 часот ќе го одиграат првиот меч во А групата против Франција, потоа следуваат натпреварите со Полска (17.јануари, 20:30 ч) и Србија (19.јануари, 18:15 ч)./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.