Домашен
Ракометарите успешни на првата контрола
Ракометната репрезентација на Македонија го совлада Израел со 39:37 (20:18), во првиот од двата контролни натпревари кои ‘црвено-жолтите’ ќе ги одиграат со овој противник во оваа фаза од подготвките за настап на Мундијалот во Катар.
Македонскиот национален тим, одигра меч со многу осцилации, што е и нормално за оваа фаза од подготвителниот период, но на крајот успеа да слави победа против незгодниот противник.
Израел подобро го започна мечот, што беше знак за селекторот Ивица Обрван да побара минута одмор по само 10 минути игра и предност од 5:7 за Израел.
По тај аутот играта на Македонија се консолидира, а голманот Ангелов иницираше серија од три гола за предност од 14:11.
Разликата македонските ракометари ја одржаа до крајот на првиот дел, а во второто полувреме бековската тројка Вугринец-Прибак-Филип Лазаров ги диктираше темпото и во 40-та минута предноста на Македонија изнесуваше максимални шест голови 27:21.
Следуваше нов пад во играта на Македонија, што Израелците го искористија и за осум минути со серија од 3:9 стигнаа до израмнување 30:30.
Сепак до крајот Македонија, предводена од Вугринец и Димовски направи предност од четири, која до крајот Израелците намалија два гола од таа негатива за коечни 39:37.
Селекторот Обрван натпреварот го искористи за да им даде шанса на сите играчи, а со исклучок на Талевски и Стојчевски сите се запишаа меѓу стрелците. Обрван во тимот единствено го немаше Ацо Јоновски, кој има проблеми со квадрицепсот на мускулот, но за неколку денови тој ќе биде целосно подготвен. Најефикасни беа Георгиевски со седум, односно Кире Лазаров и Вугринец кои постигнаа по шест гола.
Македонија и Израел в понеделник ќе одиграат уште еден натпревар но тој ќе биде од затворен карактер. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.