Домашен
Раул: И да одиграш најдобро, победата против Барса не е загарантирана
– фото макфакс
Ракометарите на Вардар, во осмото коло во Лигата на шампионите, ќе го пречекаат атуелниот европски првак Барселона. Овие два тима играа и во претходното коло, Вардар во Барселона пружи силен отпор, но не успеа да го избегне минималниот пораз (30:31).
Ракометарите на Вардар, во осмото коло во Лигата на шампионите, ќе го пречекаат атуелниот европски првак Барселона. Овие два тима играа и во претходното коло, Вардар во Барселона пружи силен отпор, но не успеа да го избегне минималниот пораз (30:31).
„И да играш добро, не можеш 100 отсто да бидеш сигурен дека ќе ја победиш Барселона“, со овие зборови дуелот против шпанскиот великан го најави вардаровиот тренер Раул Гонзалес.
„Минатата недела против Барселона ние игравме добро, но не и доволно добро за да победиме. Проблем ни беше и тоа што претходно игравме против Веспрем, поради тоа бевме малку уморни. Оваа недела два дена одмаравме и трениравме добро. Мора да бидеме на потребното ниво и во одбраната и во нападот и да ги користиме сите шанси во контранападите. Доколку го направиме тоа, ќе имаме шанса да ја победиме Барселона“.
Инаку на мечот во Барселона вардаровите играчи целосно го запреа Кире Лазаров, кој постигна само еден гол, но немаа решение во одбраната за Тунижанецот Жалуз кој со 12 голови го предводеше својот тим до победата.
„Треба да одиграме онака како што игравме против Киелце. Но против Барселона секогаш е тешко да се игра, никогаш не знаеш кој ќе одигра добро. Таму добро играше Жалуз, но тука можеби добро ќе одигра Лазаров или некој друг играч“, рече на прес конференцијата стратегот на Вардар.
Гонзалес на Барселона нема да може да и се спротивстави со сите играчи, покрај Деревен кого го очекува подолга пауза, најверојатно нема да игра ниту Стоилов и Абутовиќ.
„Не знам дали Стоилов ќе игра, утре ќе решиме дали тој ќе настапи. Абутовиќ има проблеми со повредата, тој тренираше претходните два дена, ама тренираше само 30 отсто. Не сум сигурен дека ќе може да игра, рамото не му е во добра состојба“.
Ракометарите на Барселона, во Скопје, ќе пристигнат во сабота во вечерните часови, а натпреварот ќе се одигра в недела со почеток во 17:45 часот. крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.