Домашен
РФМ го објави списокот на ракометарки за мечевите со Исланд
Ракометната федерација на Македонија (РФМ) го објави списокот на ракометарки кои се повикани за двата натпревара со Исланд, кои ќе се одиграат во рамките на квалификациите за пласман на Светското првенство во 2015 година.
Собирот на репрезентативките е закажан за 27-ми ноември, а натпреварите со Исланд се на програмата на 3-ти декември (Исланд) и на 6-ти декември (Скопје).
Инаку РФМ допрва ќе одлучува кој ќе ја предводи репрезентацијата на овие две средби, бидејќи по двата неочекувани пораза од Италија отказ доби Ристо Магдинчев.
Поразите од Италија шансите на Македонија за пласман на ракометниот Мундијал во женска конкуренција ги сведоа во доменот на теоријата.
Список на повикани ракометарки за двомечот со Исланд:
Голмани: Наташа Антиќ (ЖРК МЕТАЛУРГ), Драгана Петковска (ЖРК ВАРДАР СЦБТ), Ивана Зафирова (БУРСА ГКС-ТУРЦИЈА)
Крила: Јована Саздовска, Драгица Митрова, Сара Ристовска (сите од ЖРК МЕТАЛУРГ)
Бекови: Дајана Јовановска (ЖРК МЕТАЛУРГ), Теодора Керамитчиева (ЖРК ВАРДАР), Андреа Белеска (ЖРК МЕТАЛУРГ), Душица Дордиевска (МУРАТ ПАША БЕЛ –ТУРЦИЈА), Симона Гроздановска (А.Ц ПАОК САЛОНИКА – ГРЦИЈА), Зорица Десподовска (МУРАТ ПАША БЕЛ – ТУРЦИЈА), Марија Штериова (РК ИПРЕС ВАЦ – УНГАРИЈА), Елена Ѓорѓиевска (РК БАЈА МАРЕ – РОМАНИЈА), Симона Стојановска (ЖРК ВАРДАР СЦБТ)
Пикери: Робертина Мечевска (РК АНКАРА 1910 – ТУРЦИЈА), Марија Николиќ (ЖРК МЕТАЛУРГ), Ивана Гакидова (ЖРК ВАРДАР СЦБТ)./крај/мф/нц
Извор: фото macedoniahandball.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.