Домашен
Само бод за шампионот Вардар против Шкупи
Фудбалерите на актуелниот македонски шампион Вардар со реми (2-2, 0-1) и покрај целосната иницијатива против градскиот ривал Шкупи, ја започнаа новата сезона.
Во неделната во вечерен амбиент на стадионот „Арена Филип Втори“, Шкупи поведе во 22 минута преку Адријан Нухиу. Вардар ја продолжи јаловата офанзива во која по неколку добри можности за постигнување гол дури од пенал во 66 минута израмни преку Дејан Блажевски. Во продолжението „вардарци“ имаа уште две пречки а целосен пресврт направи Филип Ивановски во 86 минута. Но, втората голема грешка на домашната одбрана му овозможи на Флорент Османи во последната минута од регуларниот тек да го постигне конечниот резултат.
Иако овој натпревар беше прогласен за меч со висок ризик и не беше дозволено организирано присуство на гостински навивачи, по водечкиот гол на Шкупи дојде до пресмета на северната трибина на која имаше навивачи на двата клуба. Со полициска интервенција и кордон беше спречена натамошна пресметка меѓу навивачите.
Инаку пред почетокот на мечот, му беше оддадена почит на Александар Пандовски, кој потекна од вардаровата фудбалска школа. Фудбалери и навивачите со минута молк се простија од соиграчот, навивачите на Вардар истакнаа транспарент „Почивај во мир Пандо, западот никогаш нема да те заборави“. Дваесет итригодишниот фудбалер Александар Пандовски рано утрото во саботата (8-ми август) почина на скопските клиники, откако четири дена беше во кома. Тој беше тешко повреден во сообраќајната несреќа која се случи на 4-ти август кај бензинската пумпа „Макпетрол“ во Маџари на излезот од Скопје.
Во другите мечеви Шкендија го совлада дебитантот во Првата фудбалска лига Младост од Царев Двор со 3:1, Силекс како гостин го совлада Металург со 3:1, додека Хоризонт Турново славеше над Ренова со 4:0.
Во понеделник играат Брегалница и Работнички./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.