Домашен
Седлоски и Грнчаров посакуваат победа без примен гол
Македонскиот шампион Вардар, во вторник, ќе ја започне новата натпреварувачка сезона. Вардар во Лигата на шампионите, во второто квалификациски коло, на домашен терен ќе го пречека Динамо Загреб.
Вардар го доби најнепосакуваниот противник во оваа фаза од Лигата на шампионите, Динамо Загреб, изминатите години најдобриот тим на просторите на поранешна Југославија, тим кој минатата сезона играше во главната фаза во елитното натпреварување.
Динамо во однос на минатата сезона доживеа промена на тренерската функција, Зоран Мамиќ си замина, а на негово место дојде клупската легенда Златко Крањчар. За дуелот во Скопје не е јасно со каков состав ќе настапи новиот тренер, бидејќи за тројцата млади играчи, кои настапија на ЕУРО 2016 година (Пјаца, Рог, Чориќ), интерес покажува „половина“ Европа.
„Динамо е добар тим, секоја година игра во ЛШ и Лига Европа. Динамо е најдобриот тим во регионот. Очекувам тежок меч, многу потежок од оној кој во минатата сезона го игравме против АПОЕЛ, Динамо е подобар тим од АПОЕЛ. Ние нема да се предадеме, зошто баш ние против Динамо да не успееме да се пласираме во наредната рунда. Вардар нема да ја менува формацијата, мислам дека не можеме да сокриеме нешто едни од други, ќе играме напаѓачки. Седловски за овој натпревар на располагање ќе ги има сите фудбалери, а со кој состав ќе настапи ќе реши по последниот тренинг“, рече тренерот на Вардар Гоце Седлоски.
Вардаровиот тренер и капитенот на тимот Бобан Грнчаров посакуваат победа во Скопје без примен гол.
„Посакуваме победа, сѐ друго ќе биде неуспех, бидејќи реваншот ќе биде многу тежок. Мора да излеземе да играме напаѓачки, ваквите натпревари се добиваат само со храбра, напаѓачка игра. Динамо е добар тим, особено опасни се тројцата кои играат во нападот, двете крила и напаѓачот, можат со еден потег да решат натпревар. Динамо е фаворит на хартија, се согласувам, но тоа ќе треба да го покаже и на теренот“, рече Грнчаров.
Натпреварот Вардар-Динамо, во вторник, ќе се одигра на „Филип Втори“ од 20:45 часот. крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.