Домашен
СЕХА: Вујовиќ со Загреб ќе му гостува на Вардар
Актуелниот шампион во СЕХА лигата, Вардар, во вторник во дербито на колото, ќе го пречека тимот на ППД Загреб. Двата тима во досегашниот тек од лигата имаат по еден пораз, Вардар има забележано четири, а Загреб три победи.
Во пресрет на меѓусебниот дуел Вардар и ППД Загреб имаа добро издание во Лигата на шампиони, македонскиот тим потешко од очекувањата победи во Цеље (26-27), додека хрватскиот шампион на свој терен го совлада Кил (27-25). „Драго ми е што извлековме победа против Цеље, иако не ја заслуживме, на крајот ни се исплатеше борбеноста. Едноставно драго ми е дека екипата покажа карактер. Сигурно им останавме должни на навивачите и се надевам дека во наредните натпревари ќе го извлечеме она најдоброто од нас. Со Загреб секогаш имавме добар скор, но ова е сега ова ќе биде една поинаква приказна. Тие го имаат на клупата Вујовиќ, нашиот поранешен тренер и сигурно дека мечот ќе биде интересен. Загреб е во налет по победата над Кил и сигурно дека тука ќе дојдат по три бода, но се надевам дека со наша добра игра и со поддршка од трибините бодовите ќе ги освоиме ние“, рече средниот бек на Вардар, Игор Карачиќ.Тренерот на Вардар, Раул Гонзалес, сé уште не е сигурен со кој тим ќе игра против хрватскиот шампион, тоа дополнително ќе решава, единствено знае дека за овој натпревар нема да биде во составот Стојанче Стоилов. „Очекуван тежок натпревар, Загреб го победи Кил во текот на викендот. Играат многу цврсто во одбраната, со доаѓањето на Веселин Вујовиќ во одбраната сега играат во формација 5-1. Значаен натпревар за нас, бидејќи нам ни требаат бодовите со кои, иако е рана фаза на првенството, би можеле веќе да обезбедиме пласман на завршниот турнир, од проста причина што веќе го победивме Металург, ако го победиме и Загреб мислам дека можеме да победиме на сите останати натпревари коишто ќе ги играме на домашен терен“, рече вардаровиот тренер. Натпреварот Вардар – ППД Загреб ќе се одигра во вторник, во СРЦ Кале, а ќе започне во 20:15 часот./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.