Домашен
Србиновски и кошаркарите в сабота стартуваат со подготовките
Македонската кошаркарска репрезентација, в сабота во СЦ „Јане Сандански“ во 10:30 часот, ќе започне со подготовките за настап на Европското првенство.
Во подготвителниот период националниот тим влегува со новиот селектор Марјан Србиновски, кој прифати понудата на Федерацијата да го наследи Александар Џикиќ со кого МКФ пред три дена ја раскина соработката.
Марковски, во петокот на прес конференцијата на која ги образложи причините поради кои Џикиќ добил отказ, потенцираше дека Србиновски како млад стратег ја има целосна та поддршка на Федерацијата.
„Имаме целосна доверба во селекторот кој во последните два циклуса беше прв помошник на селекторите со нееднаков успех. Во првиот настап, со Србиновски како асистент го имаше историскиот успех, каде што и селекторот беше Македонец, а во вториот настап завршивме на 21-то место. Му благодарам на Србиновски што прифати да ја води репрезентацијата“, рече Заре Марковски споретскиот директор на МКФ.
Марковски дополни дека целосно ќе биде во функција на новиот селектор и дека секогаш ќе му помогне кога Србиновски тоа ќе го побара од него.
На првиот собир, ќе се појават сите репрезентативци со исклучок на натурализираниот Ричард Хендрикс, кој од поранешниот селектор Џикиќ уште добил дозвола да пристигна на подготовките на 30.јули.
„Тука сега се појави проблем бидејќи тој дополнително побара рокот да му биде продолжен, комуникацијата со него ќе продолжи и ќе видиме како ова ќе заврши. И ова покажува дека МКФ ја имал загубено контролата врз она што се случува во репрезентацијата““, рече спортскиот директор, во истовреме демантирајќи ги информациите на медиумите од Словенија дека на Брајан Данстон, новиот играч на Анадолу Ефес, му било понудено македонско државјанство.
Повик да биде дел од подготвките доби и Кире Николовски, кој не се најде на првиот список кој го објави Џикиќ.
Марковски на 50-тина дена до почетокот на ЕП не сакаше да коментира какви се шансите на националниот тим.
„Мислам дека тргнувајќи од 21-то место и фактот дека имаме сосема нова репрезентација, секоја победа за Македонија на ЕП ќе биде голем успех, секако надевајќи се дека ќе дојдеме најмалку до тоа што ќе не однесе во понатамошната фаза. Не можам да кажам што би преставувало успех затоа што немам увид во репрезентацијата, таа е подмладена, треба да се победи на повеќе натпревари. Мислам дека би било несериозно од мене да кажам било какво предвидување“, рече Марковски.
Македонија на ЕП кое ќе започне на 5.септември, во првата фаза ќе игра во Групата во Загреб заедно со Хрватска, Словенија, Грција, Грузија и Холандија. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.