Фудбалската репрезентација на Македонија со пораз стартуваше во квалификацискиот циклус за пласман на Европското првенство во 2016 година. На стадионот на Леванте, во Валенсија, актуелниот европски првак Шпанија ја совлада Македонија со 5-1 (3-1).

Селекторот Бошко Ѓуровски натпреварот го започна со Пачовски, Шиков, Цуцули, Мојсов, Ристовски, Алиоски, Спировски, Трајковски, Абдурахими, Ибраими, Јаховиќ.

Шпанците уште од самиот почеток започнаа да го диктираат темпото на играта иако Македонија прва сериозно се закани кон голот на Касиљас. Ибраими одлично биеше од слободен удар, но Касиљас ја исфрли топката во корнер.

Ударот на Ибраими беше единственото нешто што македонската репрезентација го направи во првите 20 минути од натпреварот.

Шпанците лесно го освојуваа просторот, лесно ја пробиваа последната одбрамбена линија на Македонија. Една таква акција во 15.минута донесе пенал за ењвропскиот првак. Давид Силва влезе во шеснаесетникот на Пачовски, влезе во дуел со Мојсов, а грчкиот судија покажа на белата точка. Сигурен реализатор беше Серхио Рамос.

Две минути подоцна Шпанија ја дуплираше предноста. Македонската одбрана беше матирана во три потега, Давид Силва на спротивната страна го пронајде Хуанфран, овој од прва нафрли во петерецот каде Пако Алкасер ја смести во мрежата.

Македонија брзо се созеде од шокот, Трајковски по левата страна влезе во казнениот простор на Шпанија, Хуанфран влезе во конткт со него, а грчкиот судија не се двоумеше да покаже на белата точка. Сигурен изведувач на пеналот беше Ибраими.

Веднаш по голот на Ибраими, со удар од 18 метри се закани и Абдурахими, но неговиот обид заврши крај голот на Касиљас.

Потоа Шпанците повоторно го заислија темпото на игра, а Пачовски во 32-та и 35-та ги одбрани ударите на Педро и Фабрегас.

Шпанија третиот гол го постигна на истекот од првото полувреме, кога Бускетс упати удар од 18 метри, на патот кон голот топката малку го закачи Шиков и заврши зад грбот на Пачовски.

Инаку претходно Пачовски одбрани два чисти гола кога панично делуваше македонската одбрана. Најпарвин го одбрани ударот на Двид Силва, кога играчот на Манчестер Сити беше сам пред него, а потоа и ударот на Алказер.

На полувремето селекторот Ѓуровски изврши една измена, Демири влезе во игра, а во соблекувалната остана Алиоски.

Македонија прва се закани во второтиот дел и тоа по само две минути игра, кога Јаховиќ се обиде да го совлада Касиљас. Веднаш во следниот напад, најдобриот шпански играч Давид Силва по четврти пат го погоди голот на Македонија.

До крајот на натпреварот Фабрегас ја погоди гредата од голот на Пачовски, не реализираа ниту Давид Силва и Педро.

Македонските играчи првата закана во вториот дел ја имаа во 79-та минута, одново Ибраими упати обар удар и одново Касиљас ја изфрли топката во корнер.

Трајковски во 85-та минута изведе соло акција, мина покрај неколкумина Шпанци но Касиљас одново н дозволи да биде совладан.

Кога Шпанците ја спуштија топката на земја и македонските играчи добија малку повеќе простор за игра, фуријата изведе брз контра која со гол во 91-та минута ја заврши Педро. крај/мф/нц