Домашен
Успешен настап на кик боксерите на „Бихаќ Опен“
Македонските кик боксери, викендов учествуваа на Европскиот куп ,,Бихаќ Опен “ кој се оддржа во Бихаќ, Босна и Херцеговина . Настапот на овој меѓународен турнир тие го завршија со 15 освоени медали (четири златни, пет сребрени, шест бронзени).
На „Бихаќ Опен“ учествуваа 473 натпреварувачи од 52 клуба и шест држави (Македонија, Хрватска, Словенија , Полска , Унгарија , Србија и Босна и Херцеговина).
Македонија ја претставуваа млади но искусни и перспективни кик боксери кои нанижаа медали и докажаа дека ги следат стапките на своите постари колеги кои исто така беа дел од победничкиот тим.
Со златни медали се закитија :
1.Викторија Варадинова – 60кг. лајт контакт постар кадет КБК Гладијатор Штип
2.Божјидар Јанков – 57кг. кик лајт постар кадет КБК Гладијатор Штип
3.Бобан Илиоски -71кг. лоу кик јуниор КБК Шампион Скопје
4.Александар Николовски-91кг. лоу кик јуниор КБК Шампион Скопје
Сребрени медали освоија :
1.Елена Стојчевска -65кг. поинт фајт сениор КБК АС Делчево
2.Арџент Узеири -79кг кик лајт сениор КБК Голден Тим Охрид
3.Михајло Костадиновски-79кг лоу кик сениор КБК Шампион Скопје
4.Ризов Филип-52кг кик лајт постар кадет КБК Будо Кавадарци
5.Филип Митревски +91кг кик лајт сениор КБК Гладијатор Скопје
Со бронзени медали се закитија :
1.Давид Димитровски -47кг. поинт фајт помлад кадет КБК АС Делчево
2.Артан Алиу -60кг кик лајт постар кадет КБК Голден Тим Охрид
3.Роберт Костовски -63кг кик лајт јуниор КБК Гладијатор Неготино
4.Виктор Дуковски -63кг кик лајт сениор КБК Фајт Тим Скопје
5.Ташев Мартин -63кг.кик лајт јуниор КБК Будо Кавадарци
6.Ѓoшe Ѓoшoв – 42кг лајт контакт постар кадет КБК Гладијатор Штип. крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.