Домашен
В сабота се плива Охридскиот маратон
– фото архива макфакс
На 30-километарската патека „Климе Савин“, во водите на Охридското езеро, в сабота, во рамките на Гран при серијата на ФИНА ќе се плива Охридскиот маратон. Своето учество во маратонската трка го имаат потврдено 18 пливачи, по девет во машка и женска конкуренција.
На 30-километарската патека „Климе Савин“, во водите на Охридското езеро, в сабота, во рамките на Гран при серијата на ФИНА ќе се плива Охридскиот маратон. Своето учество во маратонската трка го имаат потврдено 18 пливачи, по девет во машка и женска конкуренција.
Оваа година Гран при серијата на ФИНА има само три маратонски трки, првата се пливаше на 30.јули на езерото Сен Жан во Канада, втората е во Охрид, а третата во Неапол 4.септември.
Минатата година во Охрид победи Евгениј Поп Ацев, кој во Канада беше петти, каде најдобар пласман од макеоднските пливачи оствари ветеранот Томи Стефановски, додека Александар Илиевски беше деветти.
Овие тројца Македонски ќе пливаат и оваа година во Охрид, а покрај нив на листата се уште Аргентинците Акуилес Балаудо и Дамјан Блаум, Сточино Едоардо од Италија, Бразилецот Матеус Евангелиста , Симон Пистор од Германија.
Во женска конкуренција ја нема минатогодишната победничка Италијанката Аличе Франко, а настапот го имаат пријавено Силвие Рибарова (Чешка), Дариа Килик и Олга Козудуб (Русија), Рита Гарсија Ванеса, Геијо Пилар и Мори Викторија (Аргентина), Дина Левачиќ (Хрватска), Елена Лионело и Виченија Наваро (Венецуела).
Наградниот фонд на маратонот десет илјади долари, организатор е Пливачката Федерација на РМ, со поддршка на Општина Охрид, Агенција за млади и спорт и Капетанијата на пристаништата.
Стартот на маратонот традиоционално е во 12 часот од Св. Наум, а финишот на 30 километарската трка е на градското пристаниште.
Рекордот на маратонот во Охрид му припаѓа на Аксел Рејмонд, постигнат пред две години кога, тогаш 19-годишниот француски маратонец, патеката ја исплива за 5:09:54(95) часа. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.