Домашен
Вардар-Кјелце дерби за лидерска позиција во групата
Ракометарите на Вардар, во дербито на колото во Лигата на шампионите, в сабота во „Јане Сандански“ ќе го пречекаат актуелниот европски шампион Кјелце. „Сите се здрави и подоготвени да се надигруваат со еден квалитетен тим каков што е Кјелце“, рече меѓу другото на прес-конференцијата вардаровиот тренер Раул Гонзалес.
Шестото коло во Б групата во Лигата на шампионите го носи дербито на неделата, пресметката на Вардар и европскиот првак Кјелце. Во дербито двата тима влегуваат по непланираните порази (први во сезоната), Вардар загуби во Загреб, а Кјелце на домашен терен од Рајн Некар.
„Очекувам добар натпревар против екипа која има добри, физички силни и квалитетни ракометари. Кјелце има добар напад на што ние ќе мора да одговориме со добра одбрана и ќе мора да ја користиме нашата контра. Имаме уште два дена да се подготвиме за мечот, а по тренингот во петок ќе решам кој ќе игра на натпреварот против Кјелце. Очекувам, исто така, полна сала и поддршка од трибините“, рече Раул Гонзалес.
Според она како досега се одвиваат настаните во Б групата, скопскиот меч и реваншот во Полска, ќе решат кој ќе го освои првото место во групата, што ќе му овозможи да го прескокне осминафиналето.
„Ние играчите знаеме против кого играме. Ова е важен меч за нас, бидејќи се бориме за првото место во групата. Треба да одиграме добро во текот на целиот натпревар. Многу го почитуваме Кјлеце, тим кој игра добро сезонава, тим кој има квалитетени играчи на сите позиции и поради тоа ние мора да играме паметно против нив. Не смееме да им дозовлиме да постигнуваат лесни голови од контранапади, треба да бидеме фокусирани сите 60 минути“, рече Алекс Душебаев.
Инаку десниот бек на Вардар има посебен мотив, тој ќе игра против својот иден клуб кој од клупата го предводи неговиот татко Талант Душебаев.
„Кога ќе започне натпреварот ќе размислувам само за тоа – победа на Вардар. После натпреварот можеме да бидеме пријатели, но додека трае мечот размислувам само за победата на мојот тим“, дополни шпанскиот репрезентативец.
Натпреварот Вардар-Кјелце в сабота ќе започен во 17:30 часот./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.