Домашен
Вардар е подготвен за најзначајниот натпревар сезонава
Ракометарите на Вардар во сабота во 19 часот го пречекува Кјелце во првиот четвртфинален натпревар од Лигата на шампионите, во обид да изборат пласман на Ф4 во ЛШ.
Екипата е подготвена за најзначајниот натпревар на Вардар оваа сезона, а ракометарите кои имаа мали повреди веќе работат максимално.
„Го играме најважниот натпревар од сезоната. Сакаме да играме на Ф4 турнирот во Келн, но ќе биде многу тешко затоа што Кјелце е голeмa екипа, екипа која е на нивoто на Барелона, Веспрем и Кил. Добро е тоа што имавме време да тренираме и да е подготвиме, но ова е само прв натпревар, 60 минути кои се играат во Скопје, второто полувреме е во Полска. Мора да играме максимално концентрирано цел натпревар, знаеме дека атмосферата во Скопје е извонредна, тоа го видовме против Висла, но останува и втор меч во Кјелце“, изјави Раул Гонзалес на денешната прес-конференција.
„Помалку или повеќе сите се подготвени, имавме една недела да се одмориме, сите тренираат, добро е што и Чипурин се враќа и мислам дека до задутре сите ќе бидат подготвени“, додаде Раул.
Капитенот Филип Лазаров вели дека ќе биде тешко и за да го поминеме Кјелце потребно е не само да ги повториме најдобрите мечеви од оваа сезона, туку и да одиграме најдобар меч досега.
„Пред почетокот на сезоната си поставивме цел да се пласираме на тој ф4, иако знаеме дека тоа е многу тешко, стигнавме до последниот чекор, а тој секогаш е најтежок. За екипата на Кјелце не треба да се трошат зборови колку е квалитетна. Меѓутоа ние се трудиме да се концентрираме на нашата ира и да се обидеме да повториме една од неколкуте одлични партии овааа година, а уште подобро ќе биде ако можеме да ја одиграме и надјобрата партија досега, затоа што ова е најважниот меч оваа сезона“, рече Лазаров. /крај/
Извор: RK Vardar
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.